Mádenıet jáne sport mınıstri Ashat Oralov 2022 jyly Qazaqstanǵa kelgen sheteldik týrıster sany úsh ese óskenin aıtty, dep habarlaıdy Egemen.kz.
«О́tken jyldyń toǵyz aıynda elimizge 610 myń sheteldik týrıst kelgenin kórip otyrmyz. Biz qazir tujyrymdama aıasynda Qazaqstanǵa sheteldik týrısterdiń kelýin 4 mıllıonǵa jetkizýdi qarastyryp jatyrmyz. Bul ekonomıkanyń barlyq salasynyń damýyna úlken serpin beredi, sonymen qatar jańa jumys oryndaryn ashýǵa múmkindik beredi. Bul - básekelestik, báseke bolǵan kezde sapa da artady», dedi Ashat Oralov departamenttiń alqa otyrysynda.
Kezdesý barysynda 2021 jyldyń sáıkes kezeńiniń qorytyndysy boıynsha toǵyz aıda Qazaqstanǵa 208,5 myń sheteldik týrıst kelgeni aıtyldy. Dınamıka qyzmet eksportyna oń áser etti, ol 2022 jyly 1,3 mlrd AQSh dollaryna deıin ósti. 2021 jyly osy kezeńdegi eksport kólemi 395 mıllıon dollardy qurady.
«Mınıstrlik «Qazaqstannyń Grand Týrynyń» negizin quraıtyn Qazaqstanda bes basym baǵytty ázirledi. Bul qazirdiń ózinde suranysqa ıe tartymdy marshrýttar. Olardyń barlyǵy kóp týrısterdi qabyldaýǵa daıyn emes. Sondyqtan ákimdiktermen birlese otyryp, tańdalǵan marshrýttar boıynsha ınfraqurylymdy jaqsartyp, týrısterge jaǵdaı jasaýdy josparlap otyrmyz. Týrızm qyzmetkerlerin oqytý jáne olardyń biliktiligin arttyrý, týroperatorlarmen birge maqsatty naryqtarda týrlardy ilgeriletý boıynsha da tıisti jumystar júrgiziledi», dep qosty Ashat Oralov.
О́skemende KamAZ tirkemesi jaıaý júrginshini qaǵyp ketti
Aımaqtar • Keshe
Elordadaǵy túngi klýbtardyń birinde mefedron satylǵan
Qoǵam • Keshe
Bratıslavada qazaqtyń kıiz úıi tigildi
Álem • Keshe
Bokstan ÁCh: Karına Ibragımova kúmis júldeger atandy
Boks • Keshe
Uqsas jańalyqtar
