Kitaphana – órkenıet ordasy

Kitaphana jumysy kózge kórine bermeıtin aǵysy baıaý tereń ózen sekildi. Osy qyzyqty da jaýapty jumysty atqaratyn kitaphanashylardyń alǵa qoıǵan maqsaty – erteńi bar eldiń jas­taryn órkenıet álemine bastaıtyn jol kórsetý, mádenıet kóshinen qaldyrmaı, tárbıeli, bilimdi urpaq qaldyrý isine yqpal etý. Kitaphana ómiri – syrt kózge biline, baıqala bermeıtin aǵysy baıaý, týlaǵan tolqyndar ishinde jatatyn ómir. Sol ómirge boılap, dendep engen adam ǵana bul shańyraqtyń qasıettiligin, kitaphanashy ma­mandyǵynyń qyry men syryn ańǵara almaq.

Qazirgi tańda kitaphana qundy­lyǵy qan­daı? Kitapha­nashy – úlken qurmet­ke ıe ma­man­dyq. Sebebi ur­paq­tardy tárbıeleıtin ustaz da, bola­shaq­­tyń basshysy da, danasy da, ǵa­ly­my da, eńbekqor eginshisi de, ken­shisi de kitaphanashy aldyna kele­di. О́mirge urpaq bergen analardy qalaı ardaq­tasaq, sol urpaqty bilim­di bolýǵa, ult­jan­dylyqqa tárbıelep júr­gen kitap­hanashylardy da solaı ardaq­taýǵa mindettimiz. Son­dyqtan da, bul maman­dyqtyń aby­roıyn kóteretin ister jasalynýǵa tıis dep oılaımyn.

Qazirgi tańda elimizde kitap­hana isi mamandaryn Ál-Fa­rabı atyndaǵy QazUÝ, Qazaq ulttyq qyzdar peda­gogıkalyq ýnıversıteti, M.Áýezov atyn­daǵy Ońtústik Qazaqstan mem­lekettik ýnıversıteti sekildi irgeli oqý oryndary daıarlap kele jatyr. Atalǵan oqý oryndaryn bitirgen jas mamandar ózderi bitirgen oqýlary boıynsha maman bolyp qalyptasyp, janashyrlyqpen eńbek etýi kerek. Sol kezde ǵana mamandyq óz qundylyǵyn kóteredi.

Kitaphanashy jas býynǵa rýhanı baǵdar beretin tulǵa retinde tanylýǵa tıis. Zaman kóshi ilgeri jyljyp, qazirgi aqparattandyrý kezeńinde oqýlyqtar, basqa da basylymdar elektrondy formatqa kóshirilip jatyr. Jahandaný zamanynda kitaphana ju­mysynda jańa tehnologııalardy qol­daný – kitap­hana salasyn damytyp, oqyrman qataryn tolyqtyrýǵa septigin tıgizeri málim. Sondyqtan da, zaman talabyna saı kitaphana qyzmetkerleri de jańa beles­terden kórinýge tıis. Bolashaqta elimizdiń kez kelgen óńirinde, shet aımaqtarda jańa tehnologııamen jabdyqtalǵan zamanaýı kitaphanalar boı kóterer bolsa, básekege qabiletti azamattar qatary kóbeıeri anyq.

Búgingi tańda kitaphana – paıda­lanýshylarǵa aqparattyq qyzmet kórsetýdiń negizgi qoǵam­­­dyq-mádenı orta­lyǵy. Al kitaphanashy kitap qa­raýy­ly emes, sol kitaptardy já­ne eli­mizde bolyp jatqan jaǵdaı­lardy nası­hattaýshy, jańashyl kózqarastaǵy tul­ǵa, rýhanı mu­rany urpaqtan-urpaqqa jetkizýshi.

Bolashaqta elimizdegi kitap­hana salasynyń damýyna óz úlesin qosar jáne osy mamandyqty dáripteıtin jas­tar qatary tolyǵa tússe, Qazaqstannyń básekege qabiletti elder qataryna qosylýǵa úlken úlesterin qosqany dep bilemiz.

Al kitaphana órkenıetke jeteleıtin kúsh ekenin umyt­paıyq.

Gúlmıra SÁBDENOVA,

Ál-Farabı atyndaǵy QazUÝ dosenti,

tarıh ǵylymdarynyń kandıdaty,

Jansaıa QOSMYRZA,

«Kitaphanalyq aqparattyq júıe»

mamandyǵynyń doktoranty