Búgin Atyraý qalasynyń aýmaǵynda tútinniń ıisi shyǵýyna baılanysty órt oshaqtaryn anyqtaý maqsatynda áýe barlaýyn júrgizý úshin TJM avıasııasy - MI-874 tikushaǵy jumyldyryldy, dep habarlaıdy Egemen.kz TJM baspasóz qyzmetine silteme jasap.
Atyraý oblysy Tótenshe jaǵdaılar departamentiniń qyzmetkerleri men jergilikti atqarýshy organdardyń ókilderinen turatyn komıssııa músheleri aerovızýaldy tekserý boıynsha jumys júrgizdi.
Kaspıı teńiziniń jaǵalaýynda aerovızýaldy tekserý nátıjeleri boıynsha 4 oshaq anyqtaldy. 3 oshaq Jylyoı aýdany baǵytynda 70 km jerde, aldyn ala boljam boıynsha jalpy aýdany 9 ga alańda. 1 oshaq Isataı aýdany baǵytynda 200 ga astam alańda boldy.
Qazirgi ýaqytta jergilikti jerde kirme joldardyń bolýyn barlaý júrgizilip jatyr. Túngi ýaqytqa baılanysty órtti sóndirý erteń, ıaǵnı 1 aqpanǵa josparlanǵan.
«Eldi mekenderge qaýip tónip turǵan joq. Atyraý oblysy TJD janý oshaqtaryn sóndirý máselelerin qarastyryp jatyr. Bul jerdiń batpaqty bolýyna baılanysty órt sóndirý tehnıkasynyń janý oshaqtaryna bara almaıtynyn eskergen jón. Qazirgi ýaqytta qozǵalys marshrýty anyqtalyp jatyr», delingen habarlamada.
Atyraý oblysy TJD kúshteri men quraldary qamys órtin sóndirýge dereý jiberiletin bolady.
Qoǵam • Búgin, 21:22
Sport • Búgin, 21:21
Ásker • Búgin, 21:20
Áskerılerdiń áleýmettik áleýeti
Ásker • Búgin, 21:19
Aımaqtar • Búgin, 21:17
Qoǵam • Búgin, 21:16
Uqsas jańalyqtar
