– Sybaılas jemqorlyq táýekelderin syrtqy taldaý barysynda qalanyń Jer qatynastary bólimine 2022 jylǵy qarashadan bastap qazirgi ýaqytqa deıin jergilikti kásipkerlerden buryn berilgen jer ýchaskelerin jalǵa berýdi uzartýǵa 30 ótinish túskeni anyqtaldy. Qala kásipkerleri mindetteri durys oryndalǵan jáne jer ýchaskesiniń shekaralary ózgermegen jaǵdaıda, ýchaskelerdi jaldaý shartyn jańa merzimge uzartýǵa tolyq quqyly boldy, – delingen habarlamada.
Osylaısha, Jer qatynastary bólimi adal bıznesti júrgizýge jasandy kedergi jasaǵan.
Aqtóbe oblysy boıynsha Sybaılas jemqorlyqqa qarsy qyzmet ákimdikke ákimshilik kedergilerdi joıý boıynsha usynystar engizdi. Sodan keıin ótinish bildirgen kásipkerler úshin jer ýchaskelerin jalǵa berýdi uzartý maquldandy.
