«Halyq qatysatyn bıýdjet» baǵdarlamasyna eń aýqymdy jáne qymbat jumystar kiredi. Máselen:
- aýmaqty kógaldandyrý;
- trotýarlardy jaılastyrý;
- trotýarlardy, pandýstardy, aryqtardy salý jáne jóndeý;
- jalpyǵa ortaq paıdalanylatyn oryndardy (saıabaqtar, gúlzarlar, jaıaý júrginshiler aımaqtary, kósheler jáne ózge de nysandar) qurý, jóndeý jáne jaryqtandyrý;
- jıekterdi, tósenishterdi, tireýlerdi jóndeý;
- balalar oıyndaryna jáne jalpy paıdalaný oryndarynda eresek turǵyndardyń demalýyna arnalǵan oryndar, oryndyqtar, jáshikter, jabdyqtar men konstrýksııalardy ornatý jáne jóndeý;
- aýla aýmaqtarynda jáne jalpy paıdalaný oryndarynda sporttyq (trenajer alańdaryn, fýtbol, basketbol, voleıbol alańdaryn), balalar oıyn alańdaryn ornatý, jóndeý jáne jaryqtandyrý;
- sanıtarııany qamtamasyz etý.
Kámelet jasyna tolǵan Astana turǵyndary óz jobalaryn ákimdikke usyna alady. О́tinimderdi qabyldaý 1 naýryzǵa deıin Almaty, Esil, Saryarqa jáne Baıqońyr aýdandary ákimi apparattarynyń resmı saıttarynda jalǵasady.
Eger jobalyq usynysty daýys berý prosesinde basqa turǵyndar qoldasa, ony bıyl qalalyq bıýdjet qarajaty esebinen iske asyrý usynylady.
Saraptamalyq keńes sheshiminiń nátıjeleri ákimdikterdiń ınternet-resýrstarynda jarııalanatyn bolady.
