Memleket basshysy Qasym-Jomart Toqaevqa qaýymdastyqtyń byltyr atqarǵan jumystarynyń qorytyndysy men aldaǵy kezeńge arnalǵan jospary týraly baıandaldy, dep habarlaıdy Egemen.kz Aqordanyń baspasóz qyzmetine silteme jasap.
Islambek Saljanovtyń aıtýynsha, Kókpar, Jamby atý, Aýdaryspaq, Teńge ilý, Báıge, Qusbegilik, Dástúrli sadaq atý, Toǵyzqumalaq jáne Asyq atý sekildi ulttyq sport túrleriniń federasııalary qaýymdastyq aıasyna biriktirildi. Sonymen qatar ulttyq sporttyń damýyna saraptama jasalyp, jeke-jeke respýbıkalyq federasııalarmen ınstıtýsıonaldyq turǵyda jumys júrgizile bastaǵan.
Onyń aıtýynsha, 2024 jyly V Dúnıejúzilik kóshpendiler oıyndaryn ótkizýge bergen Qazaqstannyń ótinimin byltyr qyrkúıek aıynda Búkilálemdik etnosport konfederasııasy biraýyzdan qoldady.
Kezdesý barysynda Qasym-Jomart Toqaev kelesi jyly elimizde ótetin aýqymdy is-sharany sapaly ári joǵary deńgeıde uıymdastyrý jóninde naqty tapsyrmalar berdi.
Memleket basshysynyń aıtýynsha, V Dúnıejúzilik kóshpendiler oıyndary ulttyq sport sharalarymen shektelip qalmaýy kerek. Atalǵan halyqaralyq sport saıysy qolóner, týrızm, qyzmet kórsetý salasy sııaqty shaǵyn jáne orta bıznes ókilderi úshin de tıimdi uıymdastyrylyp, kásipterin ilgerletýge jaǵdaı jasalýy qajet.
Kezdesý sońynda Prezıdent ulttyq sport túrleriniń damý tujyrymdamasyn ázirleý qajet ekenin jáne at sporty oıyndaryndaǵy qaýipsizdik máselesin qarastyrýdy tapsyrdy.
Qoǵam • Búgin, 21:22
Sport • Búgin, 21:21
Ásker • Búgin, 21:20
Áskerılerdiń áleýmettik áleýeti
Ásker • Búgin, 21:19
Aımaqtar • Búgin, 21:17
Qoǵam • Búgin, 21:16
Uqsas jańalyqtar
