Qazaqstan men О́zbekstan úkimet basshylary Álıhan Smaıylov pen Abdýlla Arıpov Almatyda ótken EÚAK otyrysynan keıin memleketaralyq yntymaqtastyqtyń birqatar negizgi máselelerin talqylady, dep habarlaıdy Egemen.kz Úkimet basshysynyń baspasóz qyzmetine silteme jasap.
Taraptar saýda-ekonomıkalyq, kólik-tranzıttik jáne sý-energetıkalyq salalardaǵy ózara is-qımyldy, sondaı-aq ónerkásiptik kooperasııa men aýyl sharýashylyǵyndaǵy birlesken qadamdardy arttyrý jónindegi josparlardy pysyqtady.
Álıhan Smaıylov respýblıkalar arasynda barlyq salalarda qarqyndy damyp kele jatqan berik úılesimdi qatynastar ornaǵanyn atap ótti. О́tken jyldyń qorytyndysy boıynsha ekijaqty taýar aınalymy shamamen 30%-ǵa ósip, josparlanǵan meje $5 mlrd-qa jetken.
«Bul ortaq kúsh-jigerimizdiń arqasynda múmkin boldy. Endi joǵary deńgeıde qoıylǵan mindetterge sáıkes, orta merzimdi kezeńde ózara saýda-sattyq kólemin $10 mlrd-qa deıin ulǵaıtý qajet», dedi QR Premer-mınıstri.
Onyń aıtýynsha, bul turǵyda byltyr qol qoıylǵan jol kartalaryn ýaqytyly ımplementasııalaý jáne Qazaqstan-О́zbekstan úkimetaralyq komıssııasynyń belsendi jumysy mańyzdy bolyp tabylady.
«Qazaqstan Úkimeti ózara is-qımyldyń barlyq baǵyttary boıynsha belsendi dıalogqa daıyn», dedi Álıhan Smaıylov.
О́z tarapynan Abdýlla Arıpov elder arasynda ónerkásiptik kooperasııanyń, ásirese avtomobıl jasaýda oń tájirıbe baryn atap ótti. Munaı-gaz, hımııa, energetıka, metallýrgııa jáne basqa da salalarda perspektıvti jobalar pysyqtalyp jatyr.
«Aýyl sharýashylyǵy men kólik-logıstıka salasyndaǵy, ásirese jańa kólik dálizderin damytý bóligindegi tyǵyz ózara is-qımyldy erekshe atap ótken jón. Sondaı-aq biz elderimizdiń óńirleri arasyndaǵy tikeleı baılanystardy joǵary baǵalaımyz, bul baýyrlas halyqtardyń arasyndaǵy yntymaqtastyq áleýetin tolyq iske asyrýǵa múmkindik beredi», dedi Abdýlla Arıpov.
Qazaqstandyq áskerı qyzmetshi sýper gran-prı jeńip aldy
Sport • Búgin, 16:54
Búgin elordada Qazaqstan - Danııa matchy ótedi
Fýtbol • Búgin, 16:27
Túrkistanda 11 jastaǵy qyz joǵalyp ketti
Aımaqtar • Búgin, 15:31
Benzın men dızeldiń kóterme saýdasyna shekti baǵa belgilenýi múmkin
Qazaqstan • Búgin, 15:14
Jansaıa Ábdimálik Bıbisara Asaýbaevanyń synyna jaýap berdi
Sport • Búgin, 14:07
Batýmıde Naýryz merekesi toılandy
Álem • Búgin, 13:47
Uqsas jańalyqtar
