Dzıýdodan Fransııanyń bas shahary – Parıjde ótip jatqan Grand-Slem týrnırinde Qazaqstan qurama komandasynyń qorjynyna eki júlde tústi.
Bul joly da Ábıba Ábýjaqynova óz jankúıerlerin qýantty. Asa jeńil salmaqta óner kórsetken qazaq qyzy alǵashqy aınalymda bos boldy. Odan keıin fransııalyq Melanı Veny utqanymen, shırek fınalda ıspanııalyq Lapýerta Komasqa ese jiberdi. Jubanysh beldesýde japonııalyq Rına Tatsýkavany tize búktirgen Ábýjaqynova sheshýshi tusta Ońtústik Koreıanyń ókili Lı-He-Kengti qapy qaldyryp, qola medaldi moınyna ildi. Osylaısha, Ábıba bıylǵy jyldyń ózinde eki birdeı asa iri halyqaralyq týrnırden oljaly oraldy. Kúni keshe ǵana ol Portýgalııadaǵy Gran-prı saıysynda altynnan alqa taqqan bolatyn. Al byltyr Azııa jáne álem chempıonattarynda júldegerler qataryna qosyldy.
Kóp keshikpeı 73 kılo salmaqtaǵy Danııar Shamshaevtyń dál sol mejeden kóringeni jaıynda qýanyshty habar jetti. Qola medal úshin tartysta ol kanadalyq Artýr Margelıdonnan basym tústi.
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
