Balýandar beldesken spartakıada

Jekelegen salmaq dárejeleri boıynsha ótken jarysta Almat Kebisbaevtyń asqan sheberligine tánti boldyq. Álem (1 kúmis+4 qola) jáne qurlyq (2 altyn+3 kúmis) chempıonattarynda bes retten jeńis tuǵyryna kóterilip, Azııa oıyndarynda eki márte (1 kúmis+1 qola) jáne Dúnıejúzilik Ýnıversıadada bir ret (1 qola) olja salǵan ol byltyr úlken sportpen qosh aıtysqanyn jarııa etken. Respýblıkalyq kúres federasısynyń basshylary Ke­bis­baevqa dereý qyzmet te taýyp berdi. Ataq­ty sportshy elimizdiń jas­óspirimder quramasynyń aǵa jat­tyqtyrýshysy bolyp taǵa­ıyndaldy. Alaıda onyń sport­tyq kolleksııasynda álem chempıony degen ataq pen Olımpııa oıyndarynyń júldesi joq ekeni málim. Sol olqylyqtyń ornyn toltyrý maqsatymen Almat baýyry ystyq boz kilemge qaıta oraldy. Bir jyldan asa úzilisten keıin de ol óziniń áli de babynda ekenin baıqatty. Qaraǵandy oblysynyń atynan synǵa túsken Semeı óńiriniń týmasy Balýan Sholaq atyndaǵy sport saraıyn­da barlyq qarsylasyn sypyra utyp, 67 kılo salmaq dárejesiniń bas júldesin qanjyǵasyna baılady. Tusaýkeser kezdesýinde Almat byltyrǵy jylǵy jastar arasyndaǵy álem birinshiligi­niń kúmis júldegeri, jambyl­dyq Dinmuhammed Qoshqardy qa­py qaldyrdy. 21 jastaǵy jas jol­barys 35 jastaǵy ákki balýan­nyń osal tusyn taba al­ma­dy. Jartylaı fınalda ol – ja­byq ǵımarattaǵy Azııa oıyn­darynyń jeńimpazy, Soltústik Qazaqstan oblysynyń ókili Da­nııar Qalenovti utsa, fı­nalda Kendi Altaıdan kelgen Me­reı Bekenovten basym tústi.

Saqa sportshylar arasy­nan abaılyq Nursultan Tursy­nov (87 kg), qaraǵandylyq Ibra­gım Magomadov (72 kg), qyzylor­da­lyq Oljas Syrly­baı (97 kg) jáne shymkenttik Álim­han Syz­dyqovtyń (130 kg) shoqtyǵy bıik boldy. Bir keremeti, olardyń bar­­ly­ǵy da fınalda ózderiniń syr­alǵy qarsylastarymen kúsh sy­nas­ty. Máselen, fınalda Tur­sy­nov astanalyq Azamat Qus­ty­baevty, Magomadov jam­byl­dyq Eldos Kamelovti, Syr­lybaı qa­ra­ǵandylyq Erulan Ys­qaqovty jáne Syzdyqov qonaevtyq Anton Savenkoǵa san soqtyrdy. Reseıdiń Orynbor ólkesinen tarıhı ota­nyna qonys aýdaryp kelgen Azat Sadyqov 77 kg salmaqta aldyna jan salmady. Almaty qalasynyń namysyn qorǵaǵan ol aqtyq sa­ıysta shymkenttik Omar Satoevty jeńdi.

Jalyndy jastar arasy­nan astanalyq Marlan Muqa­shev (55 kg), abaılyq Aıbek Sabyrbekov (55 kg), shym­kenttik Muhamedáli Mamyrbek (63 kg) jáne Soltústik Qazaq­stan oblysynyń 18 jastaǵy jas perisi Islam Evloevty bóle-jara atap ótýge bolady. Olar­dyń barlyǵy da óz salmaq dáreje­le­ri boıynsha jeńis tuǵyrynyń eń bıik satysyna kóterildi. Al Meırambek Aınaǵulov, Demeý Ja­dyraev, Maqsat Erejepov, Mıras Barshylyqov, Baǵlan Ja­qansha, Janserik Sársenbıev jáne taǵy basqa bir top tanymal balýan bul jarystan oljasyz oraldy.

Joǵaryda biz kósh aldyńǵy lekten kóringen komandalar ja­ıynda áńgimeledik. Al Batys Qazaqstan (4 upaı), Ulytaý (8 upaı) jáne Aqmola (8 upaı) oblysy tym súreńsiz óner kór­setip, kósh sońynda qalyp qoı­dy. Sondaı-aq Pavlodar (12 upaı) men Mańǵystaý (21 upaı) óńirinen kelgen balýandardyń da nátıjeleri kóńilden shyqpa­dy. Sóıtip, «klassıkterdiń» bá­sekeleri aıaqtaldy. Keshe áıelder kúresinen saıystar ótti. Búgin jáne erteń erkin kúres sheberleri óz ónerlerin ortaǵa salady.