Taraptar 2022 jylǵy 11 qarashada Samarqand qalasynda ótken 9-shy Sammıtiniń qorytyndysy boıynsha TMU memleket basshylarynyń bergen tapsyrmalarynyń oryndalý barysyn, sondaı-aq Túrkistan qalasynda TMU 10-shy mereıtoılyq sammıtin ótkizýdiń yqtımal merzimderin talqylady.
Kezdesý barysynda Q. Týmysh Qazaqstan baýyrlas túrki memleketteri yntymaqtastyǵynyń kóptegen alańdaryn qurýdyń bas bastamashysy retinde kópjaqty túrki ıntegrasııasyn damytýǵa mańyzdy mán beretinin atap ótti.
Kezdesýge qatysýshylar qazirgi ýaqytta TMU elderiniń jıyntyq naryǵy shamamen 160 mln adamdy quraıtynyn, al qatysýshy memleketterdiń ortaq jalpy ishki ónimi 1,3 trln AQSh dollardan astam baǵalanatynyn atap ótti, bul álemdik ekonomıkanyń shamamen 2,3% quraıdy.
Osy turǵyda uıym sheńberindegi ózara saýda-ekonomıkalyq jáne mádenı-gýmanıtarlyq yntymaqtastyqtyń ózekti máseleleri men perspektıvalary qarastyryldy. Taraptar odan ári yntymaqtastyqtyń qýatty draıveri bola alatyn kólik-tranzıt salasynyń erekshe mańyzdylyǵyn atap ótti.
Kezdesý sońynda qatysýshylar TMU sheńberindegi baılanystardy jan-jaqty nyǵaıtý máselesi qatysýshy elderdiń uzaq merzimdi syrtqy saıası múddelerine jaýap beretinin atap ótti jáne osy kezdesý formatyndaǵy tyǵyz yntymaqtastyqty jalǵastyrýǵa daıyn ekendigin rastady.
