Keshe otandastarymyz taǵy eki ret jeńis tuǵyryna kóterildi. 1 500 metrge júgirgen Nuraly Aqjol kúmis medal ıelenip, úsh kezeńniń qorytyndysy boıynsha ekinshi oryndy oljalady. Qyzdar arasyndaǵy dál sol qashyqtyqta Arına Ilıashenko máre syzyǵyn úshinshi bolyp qıyp ótti. Joǵaryda esimderi atalǵan sportshylar byltyr Fınlıandııa, Aýstrııa jáne qart qurlyqtyń taǵy basqa da memleketterinde ótken halyqaralyq jarystarda jeńis tuǵyryna kóterilgenin jankúıerler umyta qoıǵan joq. Sonymen qatar Nuralynyń 1500 metrlik saıysta 15 jyl boıy murty buzylmaı turǵan elimizdiń rekordyn jańartqany da esimizde.
Al sonyń aldynda ǵana Qazaqstannyń taǵy bir daryndy óreni Alına Daýranova 1 000 metrlik qashyqtyqty 1 mınýt 17,98 sekýndta júgirip ótip, altynnan alqa taqqan edi.
