Oqý-aǵartý mınıstrligi 2023 jyldyń 16-17 aqpanynda Alǵys aıtý kúnine arnalǵan ulttyq pikirsaıys týrnırin ótkizedi. Týrnırde 120 spıker baq synaıdy, dep habarlaıdy Egemen.kz.
Buǵan deıin Ulttyq pikirsaıys týrnıriniń aýdandyq, qalalyq, oblystyq kezeńderi ótti. Oǵan qazaq, orys jáne aǵylshyn lıgalarynan 43 myń pikirsaıysshysy qatysqan. Fınalǵa Astana, Almaty jáne Shymkent qalalarynan 120 spıker joldama aldy. Olar bilim berý uıymdarynyń 9-11 (12) synyp oqýshylary.
«Baǵdarlama boıynsha «Birlik» tanysý keshi, yntymaqtastyrýǵa arnalǵan trenıng, «Quiz, Please» oıyn-saýyq sharasy, týrnır qatysýshylarynyń áseri týraly blıs-suhbat, ekskýrsııa uıymdastyrylady. Jeńimpazdar I, II, III dárejeli dıplom, syılyqtarmen, úzdik spıkerler – dıplomdarmen, komanda jattyqtyrýshylary – alǵys hattarmen marapattalady», dedi Oqý-aǵartý mınıstrligi Respýblıkalyq qosymsha bilim berý oqý-ádistemelik ortalyǵynyń dırektory Raısa Sher.
Ulttyq pikirsaıys týrnıriniń qorytyndy kezeńi ál-Farabı atyndaǵy oqýshylar saraıynda bolady. Saıystyń barlyq kezeńi amerıkalyq parlamenttik format (APF) boıynsha ótkiziledi.
Aıta keteıik, qazirgi ýaqytta respýblıka boıynsha 6726 pikirsaıys klýby jumys isteıdi. Onda 120 myńnan astam oqýshy quqyqtyq mádenıetti, azamattyq belsendilikti, jaýapkershilikti, shyǵarmashylyq jáne synı oılaýdy, komandada jumys isteýdi úırenedi.
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
