Almatydaǵy arnaıy is-shara barysynda ınternet-alaıaqtar toby ustaldy, dep habarlaıdy Egemen.kz Polisia.kz saıtyna silteme jasap.
Anyqtalǵandaı, top quramynda 27 jáne 25 jastaǵy eki áıel bar. Qylmystyń basqa da sybaılastary – 28 jáne 33 jastaǵy er adamdar.
«Osy kúnderi Almatyda aqparattyq tehnologııalardy qoldaný arqyly jasalǵan quqyq buzýshylyqpen kúresý sharalarynyń tıimdiligin arttyrýǵa baǵyttalǵan alaıaqtyqqa qarsy respýblıkalyq «Anti Fraud» is-sharasy ótip jatyr. Osy is-shara aıasynda tórt adamnan turatyn top áshkerelendi. Bostandyq aýdandyq PB-na qarasty polısııa bólimine kómek surap júgingen almatylyq turǵynnyń aryzyna sáıkes, kúdiktiler aldaý jáne senimge qııanat jasaý arqyly 1,1 mln teńge kóleminde qarajatty ıemdenip ketken. Tolyǵyraq aıtatyn bolsaq, er adamnyń uıaly telefonyna profılinde ápkesiniń sýreti bar abonentten habarlama kelgen. Habarlamany jiberýshi onyń banktik shotyna aqsha jiberýdi ótingen. Er adam ápkesiniń derekterin paıdalanǵan alaıaqtarǵa emes, ápkesine kómekteskenine senimdi bolǵan», dedi Almaty qalalyq PD krımınaldyq polısııa basqarmasynyń bastyǵy Qýatbek Naýatov.
Alaıaqtar Túrkistan oblysynan kelgender. Ustalǵandardyń úsheýi buryn da alaıaqtyq jasaǵany úshin qylmystyq jaýapkershilikke tartylǵandyǵy belgili boldy. Olar qazir ustaldy.
«Qylmysty ashýǵa ekinshi deńgeıli bankterdiń biriniń qaýipsizdik qyzmetkerleri kómek kórsetken. Qazirgi ýaqytta qylmystyq is boıynsha osy qylmystyq istiń jan-jaqty, tolyq jáne obektıvti tergelýin qamtamasyz etý úshin qajetti tergeý sharalary júrgizilip jatyr. Sotaldy tergeýdiń osy kezeńinde bul top jasaǵan úsh birdeı alaıaqtyq deregi anyqtaldy», dedi Qýatbek Naýatov.
Gúlshahra SANSYZBAI
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
