Sheteldikterdiń Qazaqstanda turaqty turýyna ruqsat resimdeý qaǵıdalaryna ózgerister engizildi, dep habarlaıdy Egemen.kz Polisia.kz-ke silteme jasap.
Qazaqstanda olarmen kóshi-qon kelisimderi bar elderdiń azamattary Qazaqstanǵa ishki qujattarmen kire alady, shyǵa alady, tranzıtpen óte alady, júre alady jáne ýaqytsha elde bola alady. Alaıda sheteldiktiń Qazaqstan Respýblıkasynda turaqty turýyna ruqsat alýy úshin shetel azamatynyń nemese azamattyǵy joq adamnyń jeke basyn kýálandyratyn jáne olardyń quqyqtyq mártebesin rastaıtyn qujat retinde sheteldik pasport qajet.
Qoldanystaǵy zańnamaǵa sáıkestendirý úshin 6 qańtar kúni IIM-niń buıryǵymen turaqty turýǵa ruqsattar resimdeý qaǵıdalaryna ózgerister engizildi. Endi sheteldikterge turaqty turýǵa ótinish bergen kúni jaramdylyq merzimi keminde 180 kúntizbelik kúndi quraıtyn óziniń sheteldik pasportyn usyný qajet.
«Ýaqytsha turýǵa ruqsattar alý úshin turǵyn úı ıesiniń, onyń atynan senimhat boıynsha áreket etetin adamnyń barýy ne bolmasa menshik ıesiniń notarıaldy rastalǵan kelisimi qajet. О́zgeristerge sáıkes ruqsatty resimdegen kezde kórsetiletin mekenjaıda onyń tirkeý kody bolýy tıis. Osy sharalar sheteldikterdi joq mekenjaılarǵa, sondaı-aq ótinish ıesine qatysy joq mekenjaılarǵa tirkeý múmkindigin joıý maqsatynda qabyldandy», dep jazylǵan habarlamada.
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
