TJM Telegram-arnasynda jarııalagǵan vıdeoǵa qaraǵanda, Qazaqstannan arnaıy jumyldyrylǵan qutqarýshylar túrkııalyq áriptesterimen birge qutqarý jumystaryn júrgizip jatyr.
«Túrkııaǵa jetken qazaqstandyq qutqarýshylar kúrdeliligi joǵary nysnadarǵa bekitilgen edi. О́tken táýlikte birinshi top jer silkinisi saldarynan opyrylyp qulaǵan 6 qabatty úıdi zerttedi. Izdestirý jumystary kezinde kóz jumǵan 3 áıeldiń denesi tabylyp, shyǵaryldy. Qazir jumysshylar úıindilerdi tazartý, qurylys konstrýksııalaryn shyǵarý jumystaryn júrgizip jatyr. Ekinshi top tolyǵymen qıraǵan 9 qabatty eki úıge jumyldyryldy, olar jergilikti qutqarýshylarmen birge zardap shekken áıeldi shyǵaryp aldy. Dál sol nysanda qutqarýshylar 1 adamnyń denesin tapty», delingen habarlamada.
Qırandy ornynda kúrdeli jaǵdaı qalyptasqanyn atap ótý kerek. Qutqarýshylar úıindiler arasynan adamdardy jyldam izdestirý úshin barlyq qajetti sharalardy qabyldap jatqany aıtylǵan. Qutqarý-izdestirý jumystary táýlik boıy júrgizilip jatyr.
Gúlshahra SANSYZBAI
