«2023 jylǵy 1 aqpandaǵy jaǵdaı boıynsha jazyq aýmaqtaǵy qar jamylǵysyndaǵy ylǵal qorynyń kórsetkishteri negizinen ortasha kópjyldyq mánderden joǵary. Konsýltatıvtik boljam boıynsha aqpan aıynda eldiń kóp bóligindegi aýa temperatýrasy klımattyq normaǵa jaqyn bolady dep boljanýda. Aqpan aıynda jaýyn-shashyn mólsheri respýblıkanyń basym bóliginde normaǵa jýyq, Atyraý, Mańǵystaý, Batys Qazaqstan, Aqtóbe jáne Batys Qostanaı oblystarynda normadan az, Túrkistan, Qyzylorda, Jambyl oblystarynyń basym bóliginde, Almaty jáne Jetisý oblystarynyń ońtústik jartysynda normadan kóp bolady dep boljanyp otyr», dedi spıker brıfıng barysynda.
Sý tasqyny sýlaryn ótkizýge gıdrotehnıkalyq qurylystardy daıyndaý máseleleri boıynsha respýblıka aýmaǵynda barlyǵy 1 806 tirek gıdrotehnıkalyq qurylystar bar ekendigi aıtyldy. Jyl basynda 1 322 GTQ tekserildi, 471 nysan jóndeýdi talap etedi, onyń ishinde respýblıkalyq menshikte – 94, kommýnaldyq menshikte – 327, jeke menshikte – 44, ıesiz – 6 nysan bar.
«Búgingi tańda iri sý qoımalarynda jınaqtalǵan sý kólemi 60-75%-dy quraıdy. Aǵyn kólemi norma sheginde kútilýde jáne barlyq sý qoımalarynda tasqyn sýdy qabyldaýǵa arnalǵan bos syıymdylyqtar bar», dep atap ótti vıse-mınıstr.
Osy oraıda Syrdarııa ózeni basseıni men Shardara sý qoımasyndaǵy sý sharýashylyǵy mınıstrliktiń turaqty baqylaýynda turǵanyn atap ótken mańyzdy.
Máselen, búginde Shardara sý qoımasynyń kólemi 4 676 mln.m3, Kóksaraı qarsy rettegishiniń kólemi - 1 438 mln.m3 quraıdy. Sý qoımasyna aǵyn 1 101 m3/sek, Syrdarııa ózeniniń tómengi aǵysyna aǵyzý 900 m3/sek, Kóksaraı kontrregýlıatorynyń sý tartýy – 350 m3/sek, Syrdarııa ózeniniń tómengi aǵysyna aǵyzý – 550 m3/sek quraıdy. Shardara sý qoımasynyń bos syıymdylyǵy 524 mln.m3, Kóksaraı kontrregýlıatory – 362 mln. m3 quraıdy. Jalpy bos syıymdylyǵy-886 mln. m3.
Qazirgi ýaqytta qaýipsizdikti jáne úzdiksiz jumysty qamtamasyz etý úshin Qyzylorda, Áıtek, Qazaly jáne Aqlaq sý toraptary paıdalaný qaǵıdalaryna sáıkes tranzıttik rejımge aýystyryldy.
Budan basqa, sý tasqynynan ótý qaýpi joǵary óńirlerde kezekshilik kesteleri bekitildi.
