Mınıstrliktiń baspasóz qyzmeti málim etkendeı, habarlama 8 áleýmettik toptyń ókilderine jiberiledi. Ár jas toby boıynsha 1 000 SMS-habarlama jiberý josparlanǵan. Olardyń qatarynda jumyssyz retinde tirkelgender, kópbalaly otbasylar, AÁK alýshylar, «Kúmis alqa» men «Altyn alqa» alǵan analar bar.
Asqar Nııazovtyń aıtýynsha, azamat habarlama arqyly jumys izdep, bilimdi jetildirý nemese áleýmettik járdemaqy alý boıynsha aqparat alady. Qosymsha aqparat qajet bolsa, habarlamamen qosa jiberilgen siltemeni basý qajet.
«Buǵan deıin mınıstrlik jumyssyz júrgen azamattardyń ótinish bergenin kútip otyratyn bolsa, endi olardyń telefonyna ózimiz habarlama jibere alamyz», dedi departament dırektory Asqar Nııazov.
Nııazovtyń aıtýynsha, qazir respýblıka boıynsha jastar arasyndaǵy jumyssyzdyq kórsetkishi 3,8 paıyzdy nemese 80 myń adamdy quraıdy. Olardyń basym bóligi Túrkistan, Jambyl oblystary men Almaty qalasynda turady.
Resmı aqparatqa sáıkes, habarlama tek 1414 nómirinen keledi.
