«Qazir Qazaqstan TJM qutqarýshylary tórt ýchaskede avarııalyq-qutqarý jumystaryn júrgizip jatyr. Qazaqstan TJM qutqarýshylary tórt adamdy qutqaryp, medısına qyzmetkerlerine tapsyrdy. Qaıtys bolǵan 12 adamnyń, onyń ishinde bir balanyń denesi úıindi astynan shyǵaryldy», delingen habarlamada.
Gazıantep qalasy birinshi eshelonnyń jumys júrgizý aýdany bolyp belgilendi. Munda jumystar táýlik boıy eki aýysymda úsh ýchaskede júrgizilip jatyr.
Qutqarýshylardyń birinshi toby toǵyz qabatty ǵımaratta jumys júrgizýde. Ǵımarat tolyǵymen qıraǵan, kınologııalyq eseptoptar barlaý jáne úıindilerdiń arasynan adamdardy izdeý jumystaryn júrgizip jatyr. Bul jerde úıindilerdiń astynan 4 adam qutqaryldy, 4 qaza tapqan áıeldiń denesi shyǵaryldy. Jumystar Túrkııa qutqarýshylarymen birlesip júrgizilip jatyr. Qazaqstan TJM Apattar medısınasy ortalyǵynyń dárigerleri zardap shekken adamdarǵa alǵashqy medısınalyq kómek kórsetýde.
Qutqarýshylardyń ekinshi toby alty qabatty ǵımaratta jumys júrgizip jatyr. Ǵımarat ishinara qıraǵan, apatty, qıraý dınamıkasy baıqalady, turaqsyz qurylymdarǵa baılanysty ǵımarattardyń tolyq qıraý qaýpi bar. Kınologııalyq esepteýlermen barlaý jáne úıindilerdi taldaý júrgiziledi, qaza tapqan 5 áıeldiń denesi shyǵaryldy. Jumystar Túrkııa qutqarýshylarymen birlesip atqarylyp jatyr.
Úshinshi top ta alty qabatty ǵımaratta jumys istep júr. Ǵımarat tolyǵymen qıraǵan. Barlaý jáne úıindilerdiń arasynan adamdardy izdeý jumystary júrgizilýde, qaıtys bolǵan áıeldiń denesi shyǵaryldy.
Qutqarýshylardyń tórtinshi toby Gazıantep qalasynan 69 shaqyrym jerde ornalasqan Nýrdagy eldi mekenindegi jeti qabatty ǵımaratta jumys júrgizýde. Ǵımarat tolyǵymen qıraǵan. Kınologııalyq eseptoptar barlaý jáne úıindilerdiń arasynan adamdardy izdeý jumystary júrgizilýde.
Memleket basshysynyń tapsyrmasy boıynsha Hataı eldi mekenine qutqarýshylar toby jáne kınologııalyq eseptoptar jiberildi. Izdeý obektisi - tolyǵymen qıraǵan alty qabatty úı, úıindiniń kólemi 18 myń m3 asady.
Qutqarýshylardyń jumysy kóptegen úıindilermen, turaqsyz qurylymdarmen kúrdelene túsedi. Qazaqstandyq qutqarýshylar barynsha tıimdi jumys istep jatyr.
Qazirgi ýaqytta osy obektide úıindiniń astynan qaıtys bolǵan úsh adamnyń denesi shyǵaryldy, onyń biri – Qazaqstan azamaty, ekeýi – Túrkııa azamaty.
Qazaqstanda eýropalyq kapıtal quıylǵan 3 myńnan astam kompanııa jumys isteıdi
Saıasat • Búgin, 17:32
Prezıdent kólik-logıstıkalyq ınfraqurylymdy damytýdyń mańyzyna toqtaldy
Prezıdent • Búgin, 17:17
Prezıdent: Eýropalyq Odaq - Qazaqstannyń eń iri saýda seriktesi
Ekonomıka • Búgin, 17:14
Memlekettik rámizder kúnine oraı telemarafon ótedi
Elorda • Búgin, 16:55
Jyl basynan beri 7 myńnan astam ınternet-alaıaqtyq faktileri tirkelgen
Qoǵam • Búgin, 16:50
Qarjy • Búgin, 16:29
Uqsas jańalyqtar
Onlaın 
