Jıynda Memleket basshysynyń tapsyrmasymen daıyndalǵan Jastar saıasaty jónindegi tujyrymdamanyń jobasy tanystyryldy. Tujyrymdama jastar saıasaty baǵytyndaǵy jumysqa tyń serpin beredi.
Keńes otyrysynda «Qazaqstan jastary» ulttyq baıandamasynda aıtylǵan negizgi máseleler qarastyryldy. Atap aıtqanda, jas qazaqstandyqtardyń kózqarasy, suranysy jáne qundylyqtary jaıynda aqparat berildi.
Memlekettik keńesshi mańyzy bar sheshimderdi qabyldaý isine jastardy tartýdyń óz nátıjesin bergenin jetkizdi. Qazirdiń ózinde Keńestiń birqatar múshesi birneshe saıası uıymnyń partııalyq tizimine engenin jáne keıbiri Parlament Májilisine bir mandatty okrýgter arqyly saılaýǵa túsip jatqanyn aıtty.
Otyrys sońynda Erlan Qarın Keńes múshelerin jastar saıasaty jónindegi kún tártibin qalyptastyrýǵa jáne ilgeriletýge belsendi qatysýǵa, qazaqstandyq jastardyń áleýetin qoldap, iske asyrýǵa shaqyrdy.
