Tashkentte mundaı sýyq aýa raıy jarty ǵasyrdan beri bolǵan joq, al Túrkimenstannyń keıbir aımaqtarynda eń tómengi temperatýranyń jańa rekordy tirkelgen.
Bıyl Qazaqstan, Qyrǵyzstan jáne О́zbekstannyń keıbir aımaqtarynda qubyrlar qatyp, jarylyp, júzdegen úıler men myńdaǵan adamdar jylý men sýsyz qaldy.
Qolaısyz aýa-raıy kezinde týyndaǵan máseleler Orta Azııanyń energetıka sektorynyń álsiz ekenin kórsetti. Talaı jyldan beri jóndeý kórmegen JES-ter aýyr júktemeni kótere almaıdy.
Statıstıkalyq málimetke súıensek, Orta Azııa elderi energetıkalyq qurylymy óte baıaý damıtyn nemese múldem damymaǵan elderdiń qatarynda tur.
Premer-mınıstr Álıhan Smaıylov Qazaqstan boıynsha jumys istep turǵan 37 JEO-nyń 19-y qyzyl aımaqta ekenin aıtqan. JES-terdiń jarylysynan keıin basshylary aýysyp, jańa ınvestorlardy tartý qolǵa alynǵan. Rasynda, bul kezek kúttirmeıtin mańyzdy másele.
«Bul barlyq elder úshin qıyn qys boldy jáne ınvestısııalardyń jetispeýshiliginen týyndaǵan energetıkalyq máselelerdi endi elemeýge bolmaıdy. Qarapaıym tilmen aıtqanda, energetıka sektory keńes odaǵynan qalǵan júıemen kele jatyr», dedi Visor Kazakhstan ınvestısııalyq kompanııasynyń ekonomısi ári seriktesi Almas Chýkın.
