«2023 jyly úsh vızıt-ortalyqtyń qurylysyn aıaqtaý josparlanyp otyr. Ol «Saýran», «Gaýhar-ana» jáne «Ordabasy» týrıstik oralyqtary. Atalǵan tarıhı vızıt-ortalyqtardyń úsheýi de elimizdiń rýhanı astanasy - Túrkistan oblysynda ornalasqan», dedi Janat Seıdalıeva.
«Saýran» qalashyǵy Túrkistan qalasynan 40 shaqyrym jerde. Munda kelýshiler men týrısterge qyzmet kórsetý úshin zamanǵa saı ınfraqurylym jasalady. Al, «Gaýhar-ana» kesenesi - Orta Azııa aýmaǵyndaǵy áıelder qulshylyq jasaýǵa arnalǵan oryn.
Vızıt-ortalyqta qonaqtarǵa jaıly jaǵdaı jasaý úshin túneýge arnalǵan oryndar qarastyrylǵan. «Ordabasy» aýmaǵynda da vızıt-ortalyqtyń qurylysy belsendi júrip jatyr.
«Vızıt-ortalyqtar birinshi kezekte ǵylymı, mádenı, aqparattyq keshender retinde paıdalanylady. Munda týrıster úshin barlyq qolaıly jaǵdaı jasalady. Budan bólek jergilikti jerdiń mádenı-týrıstik klasterin damytýǵa, óńirdiń brendke aınalǵan tarıhı-mádenı jáne tabıǵı resýrstardy paıdalana otyryp, ımıdjdik, týrıstik ónimderdi jasaýǵa úlken múmkindik», dedi Tarıhı-mádenı mura basqarmasynyń basshysy Janat Seıdalıeva.
Búgingi tańda Qazaqstanda úsh vızıt-ortalyq tolyq qarqynda jumys istep jatyr. Ol Almaty oblysyndaǵy «Tańbaly», Ulytaý oblysyndaǵy «Ulytaý» jáne Túrkistan oblysyndaǵy «Otyrar» ortalyqtary.
