Báseke bola beredi

Almaty – respýblıkalyq bıýdjettiń donory ǵana emes,  sheshimi tabylýy tıisti, ómiri qym-qýyt óndiris oryndary jetkilikti qalanyń biri. Sondyqtan da ońtústik astanada Básekelestikti qorǵaý agenttiginiń aralasýyn kútetin qyrýar sharýalar jetkilikti bolatyn. Osyǵan oraı, ótken aptada atalmysh mekemeniń tóraǵasy Ǵalym Orazbaqov munda jumys saparymen kelip, birqatar kompanııalar men zaýyttardy aralady. Básekelestikti qorǵaý agent­­­tiginiń (Monopolııaǵa qarsy agenttik) tóraǵasy Ǵa­lym Orazbaqov issapary kezinde Almaty qalasy boıynsha monopolııaǵa qarsy ınspeksııanyń jumysymen tanysyp, qala ákimi Ahmetjan  Esimovpen, qoǵamdyq birles­tikter ókilderimen jáne naryq sýbektilerimen kezdesip, kásiporyndarda kezegin kútken máseleler boıynsha  jıyndar ótkizdi. Aldymen tóraǵa «Rahat» kondıter fabrıkasyn, «Alataý Jaryq Kompanııasy» energııa berýshi kompanııasyn «Aqsaı» nan-toqash kombınatyn, Kópir qurylǵylary zaýytyn, metropolıtendi, «Qazqurylysshy» JShS-ny aralap, ujym basshylarymen júzdesip, óz quzyryndaǵy agenttikke qatysty qor­dalanǵan máselelerden habardar boldy. Munan da bólek,  agenttik tóraǵasy qatysqan «Nur Otan» partııasy qabyldaýyna kásipkerler qoǵamdastyǵy, PMK, naryq sýbektileri ókilderi qatysýǵa múmkindik alyp, kókeılerindegi túıtkil­derdi ortaǵa saldy. Aıtalyq, Týrızm qaýym­dastyǵynyń basshysy Rashıda Shaıkenova óz salasynyń problemasyn kóterdi. Onyń aıtýynsha, 2013 jyly shetel­dik charterlik reısterdiń alyp tastalýy avıanaryqty monopolııalandyrýǵa ákep soqtyrǵan. Bul jolaýshylar men týrısterdiń áýede sapar shegýiniń qymbattaýyna áser etip otyr. О́z kezeginde Ǵalym Oraz­­baqov azamattyq avıasııany damytý boıynsha memleket qabyldaǵan shara­lardy túsindirdi. Munan ózge, BQA qazan aıynda turaqty emes (charterlik) marshrýttar boıynsha avıatasymaldaýlar naryǵyndaǵy básekeles ortanyń jaı-kúıine taldaý júrgizedi, onyń sheńberinde qaýymdastyq kótergen char­terlerdi kelisýdiń kúrde­lendirilgen tártibi máselesi de zerdelenetin bolady. Almaty qalasy PMK qaýymdastyǵynyń ókilimen áńgimelesý barysynda  «Tospa Sý» MKK-niń septıkterdi tazartý úshin aqy alýy, «Almaty lıft» JShS-niń lıftterdi jańǵyrtý baǵasyn arttyrýy syndy ózekti jaıttardyń sheti tarqatyldy. BQA tóraǵasy lıft jáne sýmen jabdyqtaý kompa­nııalarynyń, memlekettik organdar tarapynan yqtımal zańsyz is-áreketterdi eskere otyryp, kóterilgen máseleler boıynsha tıisti jumys júr­giziletinin, al barlyq júgingen adamdarǵa qaraý nátıjeleri jiberiletinin habarlady. Aınash ESALI, «Egemen Qazaqstan». ALMATY.