«Qazgıdromet» málimetinshe, elimizdiń basym bóliginde aýa raıyna keń aýqymdy antısıklon áser etedi. Batystan shyǵysqa aýysatyn sıklon yqpalynda tek batys oblystar ǵana bolady. Front áserinen respýblıkanyń keıbir oblystarynda qar jaýady. Ońtústik pen ońtústik-shyǵysta jańbyr qarǵa ulasýy múmkin.
«16-18 aqpanda ońtústiktiń, ońtústik-shyǵystyń taýly aımaqtarynda qatty jaýyn-shashyn kútiledi. Respýblıkanyń ońtústik jartysynda kóktaıǵaq, taýly jáne taý bókterindegi aımaqtarda tuman túsýi múmkin. Soltústik jartysynda respýblıkada keı jerlerde jel kúsheıip, boran soǵady», delingen habarlamada.
