Eýrazııalyq ekonomıkalyq qoǵamdastyq sotynyń múmkindikterin keńirek paıdalaný kerek

ASTANA. 20 maýsym. Sarapshylar Eýrazııalyq ekonomıkalyq odaq kóleminde oryn alatyn keıbir máselelerdi sheshýge quqyqtyq tetikterdi paıdalanýdyń mańyzy zor dep esepteıdi. Bul týraly «24kz» habarlady. Negizinde, Qazaqstan, Reseı, Belarýs elderine qarasty memlekettik organdar, sharýashylyq etýshi sýbekti ókilderi men jeke kásipkerler Eýrazııalyq ekonomıkalyq qoǵamdastyq sotyna ózderiniń quqyǵyn, bıznes múddelerin qorǵaýdy ótinip júgine alady. Degenmen, atalǵan qoǵamdastyq sotyna elimizdiń tarapynan eshqandaı ótinish túspegen. Búginde Qytaı, Úndistan syndy birqatar memleketter osy halyqaralyq sot organynyń ádil de bedeldi oryn ekenine kóz jetkizgen. Osy máselege qatysty Eýrazııalyq ekonomıkalyq qoǵamdastyq sotynyń sýdıasy Jolymbet Baıyshev: «Eýrazııalyq ekonomıkalyq odaq aıasynda taýarlar men qyzmetter aınalymyn shekteıtin nemese qandaıda bir kedergiler bolsa, olarǵa qatysty sheshimdi tek Eýrazııalyq ekonomıkalyq qoǵamdastyqtyń soty ǵana qabyldaı alady», – deıdi. Qazirgi tańda mamandar Eýrazııalyq ekonomıkalyq qoǵamdastyq sotynyń múmkindikterin keńirek paıdalanyp, bul ınstıtýttyń qyzmeti men bedeline laıyqty mártebe berý kerek dep otyr. Joldybaı Bazar. Derekkóz: «24kz». Foto: Belta.by.