ASTANA. 20 maýsym. Memleket basshysynyń Jarlyǵymen Qaraǵandy oblysynyń ákimi bolyp Nurmuhambet Qanapııauly Ábdibekov bekitildi. Bul týraly akorda.kz habarlady.
Oblystyq máslıhattyń kezekten tys sessııasynda depýtattar Nurmuhambet Ábdibekovtiń kandıdatýrasyn qoldady.
Qaraǵandy oblysynyń aktıvine aımaqtyń jańa ákimin Prezıdenti ákimshiliginiń basshysy Nurlan Nyǵmatýlın tanystyrdy.
Nurmuhambet Ábdibekov 1961 jyly 21 jeltoqsanda Qostanaı oblysy Arqalyq qalasynda týǵan. 1984 jyly taý-ken ınjeneri mamandyǵy boıynsha Máskeý taý-ken ınstıtýtyn bitirgen. Tehnıka ǵylymdarynyń kandıdaty. Eńbek jolyn 1984 jyly Shılisaı fosforıt kenishiniń sheberi, keıin taý-ken sehynyń bastyǵy bolyp bastaǵan.
Ol 1996 jyldan bastap memlekettik qyzmetke aralasqan. Aqtóbe, Atyraý oblystarynyń ákimdikterinde birqatar basshylyq qyzmetterge taǵaıyndalǵan. 2004 bastap Aqtóbe oblysy ákiminiń orynbasary, Aqtóbe qalasynyń ákimi, Indýstrııa jáne saýda vıse-mınıstri qyzmetterin atqarǵan.
Al osy taǵaıyndaýǵa deıin ol Aqtóbe oblysy ákiminiń birinshi orynbasary qyzmetinde boldy.
Joldybaı Bazar.
Derekkóz: akorda.kz
Foto: nur.kz.
