Maqalada elimizdiń kórkem tabıǵatymen erekshelenetin oryndar, atap aıtqanda Almaty, Býrabaı, Astana, Mańǵystaý, Túrkistan, Shyǵys Qazaqstan jáne Ulytaý óńirleri atalyp, qyzyqty derekter usynylǵan. Avtorlardyń aıtýynsha, Qazaqstannyń týrıstik áleýeti jyl sanap damyp kele jatyr. Sondaı-aq avtorlar: «Qazaqstandy aýqymy jaǵynan ǵalamshardaǵy asqar taýlardan tuzdy bastaýlarǵa deıin, móldir kólderden ný ormandarǵa deıin, zamanaýı sáýletten ejelgi tóbelerge deıingi tańǵajaıyp peızajy bar toǵyzynshy el» dep jazady.
«О́tken bir aptada ǵana Qazaqstan Úndistannan kelgen týrıster úshin eń úzdik trend baǵyty retinde tanyldy. Buǵan deıin Qazaqstan tanymal Surly tales saıtynyń nusqasy boıynsha qoljetimdi demalys boıynsha TOP-10 eldiń qataryna kirdi. Álemdik basylymdar Qazaqstanǵa erekshe nazar aýdaryp, týrısterdiń Qazaqstanǵa kelýine usynys jasaıtyny qýantady. Biz otandyq jáne sheteldik týrısterdiń jaıly demalysy úshin jaǵdaı jasap, osy baǵyttaǵy jumysty jalǵastyramyz», dedi vıse-mınıstr Erjan Erkinbaev.
