2023 jyly «AYALA onlaın-akademııasy» platformasynda oftalmologtar, ÝDZ mamandary men reanımatolog-neonatologtar úshin taǵy 4 tegin kýrs paıda bolmaq.
Bul platformada neonatologııa, reanımatologııa men pedıatrııa salalaryndaǵy jetekshi mamandar oblystyq perınataldyq ortalyqtar, perzenthanalar men aýrýhanalardaǵy orta býyn medısına qyzmetkerleri osyndaı kýrstarǵa tegin ári ońaı qol jetkizýi úshin jumys isteıdi. Eki jyl ishinde eki tilde «О́kpeni jasandy jeldetý jáne nárestelerge qarqyndy kútim jasaý», «Neonatologııada elektroensefalografııa monıtorlaryn qoldaný», «Sýrfaktantty az ınvazıvti engizý», «Nárestelerdiń jiti asfıksııasy men aýyr gıpoksııalyq-ıshemııalyq ensefalopatııa», «Gospıtaldyq ınfeksııa. Jańa tásilder», «Qarqyndy terapııa bólimshesindegi kútimniń negizgi qaǵıdattary», «Náreste kútimin damytý jáne qarqyndy terapııa bólimshesindegi ınfeksııalyq baqylaý» syndy 7 kýrs ótkizilgen.
«Joba – elimizdiń barlyq neonatologtary úshin jańa týǵan balalardy reanımasııalaýdyń ınnovasııalyq ádisterin qoljetimdi etýdi kózdeıdi. Qazaqstandaǵy neonatologııaǵa mamandanǵan jalǵyz qor retinde AYALA kóp jyldan beri «Shevron» kompanııasymen birge perzenthanalar men perınataldyq ortalyqtardyń dárigerlerine ózderiniń kásibı bilimderi men daǵdylaryn tegin jetildirýge kómektesip keledi. AYALA onlaın-akademııasynyń nátıjeleri dárigerlerdiń onlaın-oqytý formaty qolaıly ekenin kórsetti. Sebebi biliktilikti arttyrýdyń bul ádisi olardyń jumys kestesine beıimdelgen. Kýrstarǵa smartfon,planshettermen qatysýǵa bolady», deıdi AYALA QQ prezıdenti ári onyń negizin qalaýshy Aıdan Súleımenova.
«Shevron» kompanııasynyń qoǵammen baılanys bóliminiń úılestirýshisi Janar Qoshpanova:«Densaýlyq saqtaý salasyndaǵy baǵdarlamalardy qoldaý «Shevron» kompanııasynyń áleýmettik ınvestısııalarynyń strategııalyq baǵyttarynyń biri. Biz medısına mekemelerine zamanaýı qural-jabdyqtar satyp alyp qana qoımaı, kásibı turǵyda jetilýge, jergilikti mamandardy medısınadaǵy sońǵy jetistikterge úıretemiz. AYALA qorymen birge jyl saıyn oqytý semınarlaryn ótkizemiz, alaıda trenıngterge qatysýshylardyń barlyǵyna qolaıly ýaqytty tańdaý óte qıyn bolǵandyqtan, «AYALA onlaın-akademııasynyń» dárigerlerge jumysynan qol úzbeı bilim alýǵa múmkindik beretin osynaý biregeı jobasy ásirese, jumys kestesi óte tyǵyz mamandarymyz úshin óte mańyzdy», deıdi.
«AYALA onlaın-akademııasy» portalyndaǵy barlyq kýrstar bloktarǵa bólingen, bul materıaldy ıgerýge kómektesedi. Tirkeýden keıindáris aqparatyna qol jetkizý 2 aı boıy ashyq bolady. Sondyqtan kýrsty tipti jumys ornyndaqoly qalt etkende tyńdap, úzilgen jerinen jalǵap otyrýǵa bolady. Ár dáriske tanystyrylymmaterıaldary usynylady. Kýrsty aıaqtaǵannan keıin tyńdaýshylar sertıfıkat alady, sondaı-aq olardyń lektordan chatta naqtylaıtyn suraq qoıa otyryp, keri baılanys alý múmkindigi bar. Sondaı-aq, árbir bloktan keıin jáne kýrstyń sońynda mindetti test tapsyrmasy túrinde meńgerilgen materıaldy baqylaý kózdelgen.
