Stıpendıattar «Fortune Global 500», «Forbes Global 2000», «Forbes Top 100 Digital Companies» álemdik reıtıngterine kiretin uıymdarda, BUU-nyń halyqaralyq uıymdarynda taǵylymdamadan óte alady. Sondaı-aq doktoranttarǵa alǵan mamandyǵy boıynsha postdoktorantýradan ótý úshin eńbekpen óteý merzimi shegeriledi.
«Bolashaq» stıpendıattary sheteldik joǵary oqý oryndarynda akademııalyq oqýyn aıaqtaǵannan keıin álemdegi úzdik halyqaralyq kompanııalarda jumys isteı alady. Bul olarǵa jetekshi uıymdarda tájirıbe jınaqtap, halyqaralyq deńgeıdegi kásibı baılanystar ornatýǵa múmkindik beredi», dep túsindirdi Ǵylym jáne joǵary bilim mınıstrligi Halyqaralyq yntymaqtastyq departamentiniń dırektory Lázzat Ádilova.
Halyqaralyq baǵdarlama stıpendıattary álemdegi iri kompanııalardyń reıtıngine kiretin uıymǵa óz betinshe jumysqa ornalasýy tıis.
Eskeretin jaǵdaı shegerý merzimi 1 jyldan aspaýy tıis.
Aıta keteıik 2023 jyly «Bolashaq» halyqaralyq baǵdarlamasy aıasynda magıstratýra jáne rezıdentýra baǵdarlamalaryna 395 stıpendııa, doktorantýraǵa 50 stıpendııa, taǵylymdamadan ótý úshin 110 stıpendııa bólindi.
