«Shpaga» jattyǵýy boıynsha baq synaǵan Rýslan Qurbanov bastapqy básekelerdiń barlyǵynda basymdyq tanytyp, jartylaı fınalǵa deıin esh kedergisiz jetti. Dál osy mejede onyń joly Kono Kokımen qıysty. Bul esim jankúıerlerge jaqsy tanys. 25 jastaǵy Japonııanyń maqtanyshy 2021 jyly Tokıoda alaýy tutanǵan Olımpııa oıyndarynda jeńis tuǵyrynyń eń bıik satysyna kóterilse, byltyr Kaırde ótken álem chempıonatynda qola medal ıelendi. Buǵan qosa, Kokıdiń Azııa oıyndarynyń jeńimpazy, qurlyq birinshiliginiń eki dúrkin qola júldegeri jáne basqa da tolyp jatqan ataqtary bar. Qazaqstannyń eń úzdik semserlesýshisi dańqty qarsylasymen esh aıanbaı aıqasty. Desek te jeńis 15:10 esebimen japonııalyqtyń enshisinde ketti. Sóıtip, bul jarysty Qurbanov qola medalmen qorytyndylady.
