Elorda tórinde óner kórsetetinder qatarynda juptyq saıysta «Úlken dýlyǵa» dodalarynyń toǵyz dúrkin jeńimpazy, japonııalyq Moıýka Ýchıdjıma (120 WTA), dál sol sanattaǵy týrnırlerde alty ret top jarǵan fransııalyq Krıstına Mladenovıch (150 WTA), birqatar baıraqty básekede baǵy janǵan reseılik Anastasııa Zaharova (166 WTA), rýmynııalyq Irına-Marııa Bara (197 WTA), serbııalyq Natalıa Stefanovıch (221 WTA) jáne taǵy basqa oıynshylar bar.
Keshe jerebe tartý rásimi ótip, jerlesterimizdiń alǵashqy aınalymdarda kimdermen kúsh synasatyny belgili boldy. Atap aıtsaq, Anna Danılına Soltústik Makedonııanyń ókili Lına Gorcheskımen, Jibek Qulambaeva grýzııalyq Ekaterına Gorgodzemen, Arýjan Saǵyndyqova reseılik Polına Kýdermetovamen, Gozal Aınıtdınova Anastasııa Zaharovamen sheberlik baıqasady.
