Mınıstrdiń aıtýynsha, memleketke 120 mıllıard teńge qaıtarylǵan jáne ol qarajat mektep qurylysyna jumsalady.
«Qazir shotta 120 mıllıard teńge tur. Biz bul aqshaǵa jóndeý jumystaryn qajet etetin mektepterdi jóndeýden ótkizemiz. Osy boıynsha úsh aýysymdy mektepterdi, birinshi kezekte jóndelý kerek mektepterdi jáne jóndeý jumystary tolyq aıaqtalmaǵan mektepterdi qarastyramyz. Biz ázirge Bilim mınıstrliginen arnaıy ótinimderdi kútip otyrmyz. Qazir ótinimderdi qabyldaý prosesi júrip jatyr. Sodan keıin olardy respýblıkalyq bıýdjet komıssııasyna usynyp, aqshany óńirlerge jiberemiz», dedi Qarjy mınıstri.
Qasym-Jomart Toqaev 1 qyrkúıekte halyqqa Joldaýynda jemqor sheneýnikterden alynǵan aqsha mektep salýǵa jumsalatynyn aıtqan.
«Mektep qurylysy Úkimet pen ákimdikterdiń basty mindetteriniń birine aınalýy tıis», degen bolatyn Prezıdent.
