Taraptar ozyq Qytaı tehnologııalary men jabdyqtaryn paıdalana otyryp, mashına jasaý salasyndaǵy tehnıkalyq mamandardy birlesip daıarlaý jónindegi baǵdarlamany is júzinde iske asyrýǵa ýaǵdalasty. Keleshekte elektrokólikter, ZD-basyp shyǵarý, óndiristi avtomattandyrý jáne t.b. sııaqty salalarda yntymaqtastyq baǵyttaryn keńeıtý kózdelgen.
«Lý Ban sheberhanasy» jobasyn iske asyrý Qazaqstannyń kásibı tehnıkalyq kadrlardaǵy qajettiligin tolyqtyrýǵa yqpal etedi.
Bul joba 2022 jylǵy Qazaqstan men Qytaı memleketter basshylarynyń ýaǵdalastyqtary sheńberinde iske asyrylýda.
«Lý Ban sheberhanasy» - Qytaıdyń kásiptik bilim berý salasyndaǵy halyqaralyq yntymaqtastyq jobasy. 2,5 myń jyl buryn ómir súrgen Qytaıdyń áıgili sheberi jáne ónertapqyshy Lý Ban esimimen atalady. Jobanyń maqsaty kásiptik-tehnıkalyq bilim berý ortalyqtaryn birlesip qurý jolymen sheteldik tehnıkalyq oqý oryndaryna bilikti kadrlar daıarlaýǵa járdemdesý bolyp tabylady. Búgingi tańda álemniń 21 elinde 26 «Lý Ban sheberhanasy» jumys isteıdi.
