Qazirgi ýaqytta bul jerde aortokoronarlyq shýnttaý jáne magıstraldyq tamyrlarǵa qaqpaqshalyq hırýrgııa, endovaskýlıarlyq aralasýlar (koronarlyq, kúre jáne perıferııalyq arterııalardy stentteý), sondaı-aq kóp beıindi hırýrgııadaǵy endoskopııalyq jáne ashyq operasııalar sııaqty jalpy júrek operasııalarynyń barlyǵy derlik jasalady.
Mysaly, aýyl turǵyndary úshin medısınalyq kómektiń qoljetimdiligi týraly suraqqa Ajar Ǵınııat aýyldyq densaýlyq saqtaýdy jańǵyrtý jónindegi ulttyq baǵdarlamany iske asyrý týraly aıtyp berdi. Onyń sheńberinde Atyraý oblysynda 2023-2024 jyldar aralyǵynda 18 alǵashqy medısınalyq-sanıtarııalyq kómek obektilerin, onyń ishinde 11 medısınalyq pýnkt, 6 feldsherlik-akýsherlik pýnkt, 1 dárigerlik ambýlatorııa salý josparlanýda. Ol sondaı-aq aýdandyq aýrýhanalar deńgeıinde de ózgerister bolatynyn, onda qosymsha bólimsheler ashylatynyn jáne jańa medısınalyq jabdyqtarmen jaraqtandyrý josparlanatynyn aıtty.
Ákimdiktiń málimetinshe, jyl basynda Atyraý oblysynda 280-nen astam medısına mamany, onyń ishinde 183 dáriger jetispeıdi, bul rette akýsher-gınekologtarǵa asa qajettilik bar. Densaýlyq saqtaý mınıstrliginiń derekteri boıynsha óńirlerge kadrlardy tartý maqsatynda 2022-2023 oqý jylyna rezıdentýrada mamandar daıarlaýǵa 24 oryn, onyń ishinde eki akýsher-gınekolog úshin bólindi.
