Dárilik zattardy tańbalaý bastalady

Otyrysta dárilik zattardy sıfrlyq tańbalaý jáne qadaǵalaý jobasyn engizýge  qatysty birqatar máse­le talqylandy. Spıkerler jú­ıe­niń múmkindikterin ashyp aıtty – óndirýshiniń zaýytynan bastap soń­ǵy tutynýshyǵa satýǵa deıin ta­ýar týra­ly aqparat tolyqtaı kórsetildi. Taýar­­lar­dy tańbalaý men qadaǵalaýdyń otan­dyq júıesinde qoldanylatyn shet mem­­leketterdiń tájirıbesi men úzdik she­shim­de­ri usynyldy.

Sondaı-aq otyrysta spıkerler taýarlardy tańbalaýdyń jáne qadaǵalaýdyń sıfrlyq arhıtektýrasyn talqylady jáne Densaýlyq saqtaý mınıstrliginiń júıelerin (POV jáne DLO) biryńǵaı operatordyń tańbalaý jáne qadaǵalaý aqparattyq júıesimen biriktirý boıynsha aldyn ala josparlar ázirledi.

Qatysýshylar dári-dármek óndi­rý­­shi­lerdiń shyǵyndaryn óteý bóli­gin­de otandyq óńdelgen taýarlardy, ju­mystar men qyzmetterdi ishki na­ryq­qa jyljytýǵa baǵyttalǵan salany memlekettik yntalandyrý qajettiligin talqylady. Oǵan qosa, otyrysta oblys­tar men respýblıkalyq mańyzy bar qalalardyń ákimdikterine oblystar men res­pýblıkalyq mańyzy bar qalalardyń me­dısınalyq uıymdaryn tańbalanǵan dá­rilik zattarmen jumys isteýge qajetti qu­ral-jabdyqtarmen qam­tamasyz etýdi tapsyrý týraly sheshim qabyldandy.

Kezdesý nátıjesinde taraptar 2024 jyl­dyń 1 shildesine deıin dárilik zattardy 100 paıyz tańbalaý jáne qadaǵalaýdy is­ke qosý týraly kelisimge qol jetkizdi.

Biryńǵaı operatordyń málimetinshe, Qazaqstanda mindetti tańbalaý engizilgen sátten bastap búgingi kúnge deıin 69,1 myń tabıǵı júnnen jasalǵan buıym, 3,3 mlrd temeki ónimi, 102,4 mln aıaqkıim taýa­ry tańbalanǵan. Sarapshylar jobanyń jú­zege asý úderisin tejeıtin birqatar mańyzdy tustar da bar ekenin aıtady. Olar negizinen aqparattyq tańbalaý jú­ıe­siniń tehnıkalyq problemalary men kem­shilikteri. Buǵan qaramastan, otandyq aıaqkıim óndirýshileriniń ókilderi ta­ýar­lardy mindetti túrde tańbalaýdy bız­nes­tiń múddelerine saı dep sanaıdy.

«Otandyq bıznes ókilderi retinde biz taýar­lardy mindetti túrde tańbalaýdy qol­daımyz, óıtkeni bul otandyq óndirý­shi­niń múddelerin qoldaıdy, básekelestik úshin teń jaǵdaı jasaıdy. Eger teh­nı­kalyq problemalar bolsa, olardy sheshý kerek. Biz tańbalaý júıesin engizý úderisine qatysýǵa daıynbyz», deıdi «Qaz Textile Industry» jeńil ónerkásip kásip­oryn­darynyń ulttyq birlestiginiń ókili Anar Qaıyrjanova.

Premer-mınıstrdiń birinshi orynbasary – Saýda jáne ıntegrasııa mınıstri Serik Jumanǵarınniń aıtýynsha, taýarlardy tańbalaý jobasyn engizýdiń negizgi mindeti – taýarlardyń erkin jáne zańdy aına­lymyn, ashyqtyǵyn qamtamasyz etý. Bul rette salalyq vedomstvo múddeli qa­ty­­sý­shylarmen árbir taýar toby bo­ıyn­sha barlyq máseleni talqylap, qaras­ty­­rýǵa daıyn.

Aıta ketelik, elimizde kóleńkeli na­ryq­qa qarsy kúres quraly retinde ta­ýar­­lardy sıfrlyq tańbalaý jáne qa­da­­ǵalaý 2018 jyly bastaldy. 2022 jylǵy 4 qazandaǵy jaǵdaı boıynsha 4 ta­ýar toby boıynsha mindetti tańba­laý en­gi­zildi: úlbir men temeki buıym­dary, aıaqkıim jáne dárilik zattar. Qura­myn­da qanty bar qaptalǵan sýsyndar men zergerlik buıymdardy tańbalaý boıynsha qanatqaqty jobalar iske asyrylyp jatyr.