Sınoptıkterdiń málimetinshe, Astanada kúndiz ońtústik batystan soqqan jeldiń ekpini 17-22 m/s bolady.
Qaraǵandyda kúndiz ońtústik shyǵystan ońtústik batysqa oıysa soqqan jeldiń ekpini 15-20 m/s quraıdy.
Kókshetaýda kúndiz qatty jaýyn-shashyn (jańbyr, qar), kóktaıǵaq, tuman bolady, jaıaý burqasyn júredi. Ońtústik batystan shyǵysqa oıysa soqqan jeldiń ekpini - 15-20 m/s, keı tusta 23 m/s deıin jetedi.
Atyraý oblysynyń soltústiginde, shyǵysynda ońtústik-shyǵystan, shyǵystan 15-20 m/s jyldamdyqpen jel soǵady dep kútiledi.
Túnde Mańǵystaý oblysynyń soltústik-batysynda tuman bolady. Oblystyń batysynda, soltústiginde, ońtústiginde soltústik-batystan soqqan jeldiń ekpini 15-20 m/s quraıdy. Aqtaýda túnde jáne tańerteń soltústik-batystan soqqan jeldiń ekpini 15-20 m/s bolady dep kútiledi.
Batys Qazaqstan oblysynyń soltústiginde, shyǵysynda, ońtústiginde tuman, kóktaıǵaq bolady. Kúndiz oblystyń ońtústiginde, shyǵysynda soltústik-batystan, batystan soqqan jeldiń ekpini - 15-20 m/s. Oral qalasynda túnde jáne tańerteń tuman, kóktaıǵaq bolady dep kútiledi.
Almaty oblysynyń batysynda, ońtústiginde ońtústik-shyǵystan jel soǵady, ekpini - 15-20 m/s, Qonaevta ońtústik-shyǵystan soqqan jeldiń ekpini 15-20 m/s bolady.
