Kópten kútken jarys

Astanada jyl saıyn fýtboldan jasóspirimder arasynda ótetin «Qazaqstan Respýblıkasy Prezıdentiniń kýbogy» týrnıri bastaldy. Oǵan «A» jáne «V» tobyna bólingen 6 eldiń qurama komandalary qatysýda. Qazaqstan jasóspirimder jasaǵy «A» tobynda Grýzııa jáne qyrǵyzstandyq qurdastarymen kezdesse, kelesi topta Ispanııa, Ázerbaıjan men Tájikstan quramalary kúsh synasady. Keshe týrnırdiń alǵashqy kúni Tájik­­­stan men Ázerbaıjan komandalary kezdesti. Bul matchta tájik jastarynyń joly bolyp, qarsylasyn 2:1 esebimen utty. Týrnırdiń tusaýkeser oıynynda Mırojıddın Holovtyń shákirtteri ­Ap­sheron túbeginiń ókilderine qara­ǵan­­da qy­zyqty jáne tartysty oıyn órne­­gin kór­setti. Olar match boıy oıyn tizgi­nin óz ba­qylaýlarynda ustap, qarsylas­tar qaqpasyna 90 mı­nýt boıy qaýip tón­dirip otyr­­dy. Endi tájikter Ispanııa­men kezdesedi. «A» tobyndaǵy kezdesýlerdiń de qy­zyqty ótetinin aıta ketý kerek. Bul jerde bizdiń komandaǵa Grýzııa jasaǵy eń basty qarsylas bolaıyn dep tur. Degen­men, kimniń kúshti ekenin «Astana-Arenanyń» kókmaısa alańynda kóretin bolamyz. Dastan KENJALIN, «Egemen Qazaqstan».