Daýys berýge qatysý úshin belsendi saılaý quqyǵy bar, tıisti shet memlekette turatyn nemese jeke, qyzmettik, oqý, iskerlik pen týrıstik maqsatpen júrgen jáne Qazaqstan azamatynyń jaramdy pasporty bar azamattar saılaý ýchaskesi qurylǵan Qazaqstannyń dıplomatııalyq nemese konsýldyq ókildigine júgine alady.
Qazaqstannyń sheteldegi mekemelerinde daýys berý «Qazaqstan Respýblıkasyndaǵy saılaý týraly» QR Konstıtýsııalyq zańynyń 38-shi babynyń 1-shi tarmaǵyna sáıkes saılaý ótkiziletin kúni (2023 jylǵy 19 naýryz, jeksenbi) jergilikti ýaqyt boıynsha saǵat 07:00-den 20:00-ge deıin ótedi.
Sheteldegi saılaý prosesin ýaqytyly jáne tolyqtaı daıyndaý maqsatynda Qazaqstan Respýblıkasynyń azamattary jaqyn mańdaǵy saılaý ýchaskesine aldyn-ala habarlasyp, saılaýshylar tizimine engizý úshin málimet berýleri qajet.
Aıta keteıik, Prezıdenttiń 19 qańtardaǵy №104 Jarlyǵyna sáıkes 19 naýryzda Parlament Májilisi men máslıhattary depýtattarynyń kezekten tys saılaýy ótedi.
