Buǵan deıin biz Aleksandr Býblıktiń tusaýkeser kezdesýinde taıpeılik Vý Týn Lınnen oıda-joqta utylyp qalǵanyn jazǵan edik. Kelesi kúni Iýlııa Pýtınseva da kórermender qataryna qosyldy. Ol álemdik reıtıngte ózinen 32 saty tómen turǵan chehııalyq Karolına Mýhovaǵa jol berdi – 3:6, 6:4, 4:6. Qazaqstannyń eń úzdik tennısshisi Elena Rybakına alǵashqy aınalymda bos boldy. Kelesi kezeńde onyń joly Sofıa Kenınmen qıysty. 24 jastaǵy AQSh-tyń ókili qazirgi kezde WTA tiziminde 162-orynda turǵanymen, osydan úsh jyl buryn tórtinshi satyǵa turaqtaǵan edi. Sol kezderi ol Aýstralııanyń ashyq birinshiliginde bas júldeni oljalap, Rolan Garrostyń fınalynda oınady. Qos myqtynyń ózara tartysy óte shıelenisti ótip, eki set te taı-breıkke deıin jetti. Nátıjesinde, 7:6, 7:6 esebimen Rybakına jeńiske jetti.
Úshinshi kezeńde Elena ıspanııalyq Paýla Bodosamen kezdesedi.
