Atap aıtqanda, jol kartasyn iske asyrý boıynsha kelesi is-sharalar kózdelgen:
- Tehnıkalyq retteý quraldary arqyly ishki naryqty qorǵaýdyń jańa modelin ázirleý jáne «Qazaqstanda jasalǵan» belgisimen taýarlardy erikti sertıfıkattaý júıesin qurý.
- «Qazaqstanda jasalǵan» ulttyq standarttar serııasyn ázirleý (ónimge, otandyq óndirýshilerge jáne ony satýshylarǵa qoıylatyn talaptar).
- Azamattardy qazaqstandyq ónimdi satyp alýǵa yntalandyrý maqsatynda ekinshi deńgeıdegi banktermen jáne saýda jelilerimen bonýstardy esepteý júıesin (kesh-bek) engizý máselesin pysyqtaý.
- Budan basqa, qujat saýda qyzmeti týraly zańnamany jetildirýdi kózdeıdi.
Sondaı-aq «Ákimshilik quqyq buzýshylyqtar týraly» kodekske saýda qyzmeti bóliginde, quqyq buzýshylyqtyń sıpaty men qaýiptiligine baılanysty proporsıonaldy jáne barabar ákimshilik jaýapkershilikti engizý, sondaı-aq saýda qyzmetin retteý týraly zańnamanyń saqtalýyn qamtamasyz etý sheńberinde ákimshilik quqyq buzýshylyqtardyń jańa quramdaryn belgileý turǵysynan ózgerister men tolyqtyrýlar engizý josparlanyp otyr.
