Jasampazdyq jolynda jeti jylǵa Prezıdentimizdi saılap aldyq. Bıyl qańtarda zań shyǵarý qyzmetin júzege asyratyn respýblıkanyń ókildi organy – Parlament Senatynyń depýtattaryn saılaý ótti. Endi alda Parlament Májilisi jáne jergilikti máslıhattar depýtattaryn kezekten tys saılaý naýqany ótedi. Bul saılaýlardyń ereksheligi – referendým nátıjesi boıynsha qabyldanǵan túzetýlerge sáıkes olardyń aralas sıpatqa ıe bolýy. Azamattar kandıdattarǵa partııalyq tizim boıynsha tańdaý jolymen ǵana emes, sonymen qatar ózin-ózi usynǵan kandıdattarǵa da daýys bere alady. Taǵy bir jańashyldyq – naqty bir saılanýshynyń jumysyna kóńili tolmasa azamattar onyń kandıdatýrasyn qaıtaryp alýǵa quqyly. Jalpy, saılaý naýqany elimizdegi búkil saıası úderistiń damýynyń oń trendine ıe. Eger biz qoǵamda ózgerister bolǵanyn qalasaq, eger memlekettiligimizdi nyǵaıta túsýdi kózdesek, onda elimizdegi óte mańyzdy memlekettik jáne saıası aksııalar – Májilis pen máslıhattar saılaýyna belsendi qatysýymyz kerek.
Saıası partııalar men qoǵamdyq uıymdardyń, halyqtyń atqarar róli úlken. El bolashaǵy úshin mańyzdy sátte halyq saılaý úderisine belsene qatysyp, el tańdaýyn birge jasaýy qajet. Elimizdiń bolashaǵyna beıjaı qaramaıtyn ár azamat saılaý ýchaskesinen tabylady degen senimdemin.
Rymtaı ShО́KEEV,
Pavlodar oblystyq ardagerler
keńesiniń tóraǵasy
