Bul týraly Baǵdat Mýsın Roskosmosqa qatysty suraqqa jaýap bergen kezinde aıtty. Mınıstr bul másele Baıqońyr kesheniniń menshigine emes, Qazaqstan aýmaǵyndaǵy menshigine qatysty ekenin naqtylady.
«Bir jaǵynan - «Báıterek «BK» AQ, ekinshi jaǵynan - SENKI. Olardyń AHQO tórelik sotynda sot prosesteri boldy, onyń qorytyndysy boıynsha AHQO belgili bir sheshim shyǵardy, nátıjesinde sot oryndaýshysy Qazaqstan Zańy boıynsha óz is-áreketin jasaıdy, bul búkil «Baıqońyr» kesheniniń múlkine jáne t.b. qatysty emes, bul SENKI-ge, onyń Qazaqstan aýmaǵyndaǵy múlkine qatysty», dep túsindirdi Mýsın Úkimet kýlýarynda.
Baǵdat Mýsın máseleniń sheshý joldaryn qarastyryp jatqanyn atap ótti.
«Bul sheshim qabyldandy, boldy degendi bildirmeıdi. Belgili bir sot prosesteri odan ári jalǵasady. Jáne meniń oıymsha, sot organdary durys sheshim shyǵarady. Sot sheshimi shyqty, biraq odan ári prosester jalǵasady, meniń bilýimshe, qazir SENKI basshylyǵy Qazaqstanda, olar kompanııamen kelissózder júrgizip jatyr jáne AHQO soty deńgeıindegi prosedýralardy jalǵastyrý kerek», dep atap ótti mınıstr.
