Qylmystyq topqa qatysýshylardyń jalpy aqsha aınalymy 8 mlrd teńgeni quraıdy. Saıtqa jynystyq sıpattaǵy 6 myńǵa jýyq habarlandyrý salynǵan. Saýalnamalar boıynsha qabyldanǵan sharalardyń nátıjesinde 150 adam anyqtalyp, olardan jaýap alyndy, olar saıttyń top-menedjerlerine júıeli túrde aqsha aýdaryp otyrǵandaryn rastady.
Saraptama negizinde saıttaǵy materıaldar pornografııalyq sıpattaǵy týyndyǵa jatatyny anyqtaldy, sondaı-aq aqyly jynystyq qyzmetterdi izdep, paıdalanýǵa arnalǵan. Astana, Almaty, Pavlodar qalalarynda júrgizilgen tintý sharalarynyń nátıjesi boıynsha 23 mln teńgeden astam aqsha, onyń ishinde krıptovalıýta, avtomashınalar, kompıýterler, uıaly telefondar jáne basqa da sıfrlyq tasymaldaǵyshtar tárkilenip alyndy. Sot kompıýterlik-tehnıkalyq saraptama taǵaıyndaldy.
Atalǵan fakt boıynsha Qylmystyq kodekstiń «Jezókshelikpen aınalysý úshin prıton uıymdastyrý nemese ustaý jáne jeńgetaılyq» degen 309-baby boıynsha sotqa deıingi tergeý júrgizilip jatyr. Qazir múddeli memlekettik organdarmen birlesip, paıdalanýshylardyń veb-saıtqa qol jetimdiligin buǵattaý boıynsha sharalar qabyldanyp jatyr. Sotqa deıingi tergep-tekserý jalǵasýda.
