Sıfrlyq damý mınıstrliginiń málimetinshe, taıaýda Sıfrlyq qujattar servısi taǵy bir qujatpen tolyqqan. Ol árbir kólik júrgizýshisinde bolýy tıis qujat – mindetti saqtandyrý polısi. Saqtandyrý polısi – kólik quraldary ıeleriniń azamattyq-quqyqtyq jaýapkershiligin saqtandyrýdyń mindetti túri boıynsha saqtandyrýshy men saqtanýshy arasyndaǵy sharttyq qatynastardyń deregin rastaıtyn qujat.
«Basqa sıfrlyq qujattar sekildi saqtandyrý polısi de qaǵaz qujatpen qatar zańdy kúshine ıe jáne saqtandyrý kompanııasy, saqtandyrý polısiniń merzimi jáne t. b. týraly aqparatty qamtıdy. Mınıstrlik halyqqa yńǵaıly bolý úshin qujattardy sıfrlandyrý jumysyn jalǵastyrady», deıdi Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın.
