Sapaǵa saı tólem: 14 aqyly ýchaskede tólemaqy qaıta esepteledi

«QazAvtoJol» ulttyq kompanııasynyń habarlaýynsha, endi joldyń aqaýy anyqtalǵan, shuńqyry bar nemese talapqa saı emes bólikteri aqyly qashyqtyqtan ýaqytsha shyǵarylyp tastalady. Demek, júrgizýshiler tek qaýipsiz ári tegis jol úshin ǵana tóleıdi. Joldyń aqaýly tustary tolyq jóndeýden ótkenshe tarıfke qosylmaıdy.

Bul sheshim jol sapasyna baqylaýdy kúsheıtý jáne avtokólik ıeleriniń quqyǵyn qorǵaý maqsatynda qabyldanǵan.

Bıyl aqyly joldardan 79 mlrd teńge tústi

Tólemaqy qalaı esepteledi?

Eń basty artyqshylyq – júrgizýshilerge mekeme tabaldyryǵyn tozdyryp ótinish jazýdyń nemese qujat toltyrýdyń qajeti joq.

• Avtomatty esepteý: Tólem júıesi joldyń aqaýly bólikterin avtomatty túrde anyqtap, ony jalpy somadan shegerip tastaıdy.

• Tómendetilgen tarıf: Nátıjesinde jol júrý quny burynǵydan edáýir arzandaıdy.

Máselen, buryn Astana – Temirtaý baǵytynda jeńil kólik úshin tólem 410 teńge bolsa, aqaýly bólikter esepten shyǵarylǵannan keıin bul soma 360 teńgege deıin tómendedi.

Qazaqstanda 13 myń shaqyrym avtojol jóndeldi

Jóndeý jumystary qashan bastalady?

Tarıfti osylaısha ýaqytsha tómendetý aqaýlar tolyq joıylǵanǵa deıin saqtalady. Joldardy qalpyna keltirý jumystary bıylǵy jol-qurylys maýsymy bastalysymen qolǵa alynady.

Tólem mólsheri qaıta esepteletin 14 ýchaske:

1. Kókshetaý – Petropavl;

2. Pavlodar – Semeı – Qalbataý;

3. Pavlodar – Omby;

4. Astana – Temirtaý;

5. Almaty – Qonaev;

6. Qonaev – Taldyqorǵan;

7. Shymkent – Qyzylorda;

8. Oral – Samara;

9. Oral – Saratov;

10. Astana – Pavlodar;

11. Qyzylorda – Aral;

12. Aqtóbe – Orynbor;

13. Qostanaı – Troısk;

14. Taraz – Qaınar.