Onyń aıtýynsha, 2022 jyldyń 1 qańtarynda memlekettik qaryz mólsheri 21,9 trln teńgeni qurady, al bir jyldan keıin bul kórsetkish 25,3 trln teńgege deıin ósti. Sonymen qatar 2050 jylǵa qaraı Úkimet qaryzynyń JIО́-ge 45%-ǵa deıin ósýi boljanyp otyr.
Senator bul úrdis depýtattardyń alańdaýshylyǵyn týdyratynyn atap ótti.
«Sonymen qatar bizde ishki qarjylandyrý kózderi bar – zeınetaqy qorynda shamamen 15 trln teńge, ekinshi deńgeıdegi bankterde 14 trln teńge, sondaı-aq Ulttyq qordyń qarjysy bar. Negizinen ishki kózderden qaryz alǵanyna qaramastan, qaryzdardy óteýge jáne olarǵa qyzmet kórsetýge arnalǵan shyǵystardyń 1,5 ese óskeni baıqalady, olar 2023 jyly jalpy shyǵystar kóleminiń 20,5%-yn qurap otyr», dedi Shákárim Buqtuǵutov.
Senator osyǵan baılanysty Qazaqstannyń syrtqy qaryzdary boıynsha tolyqqandy aýdıt júrgizý jáne salynǵan qarjynyń ekonomıkalyq tıimdiligi jóninde Joǵary aýdıtorlyq palataǵa suraqtar qoıdy.
