Ekonomıkalyq aımaq Almaty qalasynyń soltústiginde, uzyndyǵy 80 shaqyrym A3 tasjolynyń (Almaty – Qonaev) boıynda ornalasqan. Onyń aýmaǵynda arnaıy quqyqtyq rejım belgilenedi.
Jańa ekonomıkalyq aımaq G4 City ıntegrasııalanǵan qalasyn qurýǵa otandyq jáne sheteldik ınvestısııalardy tartý úshin qolaıly klımat usynady dep kútilip otyr. Bul óz kezeginde búkil aımaqtyń damýyna jańa serpin beredi.
Máselen, 2048 jylǵa deıin AEA sheńberinde:
shamamen 3,7 trln teńge kóleminde ınvestısııa tartý;
quny 17 trln teńgeden astam qyzmetter men taýarlar óndirý;
60 myńǵa jýyq jumys ornyn qurý josparlanyp otyr.
G4 City damý tujyrymdamasyna sáıkes ıntegrasııalanǵan qala 4 aýdannan turady:
Gate City – iskerlik jáne qarjylyq ortalyq;
Golden District – bilim berý jáne medısınalyq haby;
Growing District – ınnovasııalyq-ındýstrııalyq jáne saýda-logıstıkalyq aımaq;
Green District – týrıstik klaster.
G4 City-de shamamen 2,2 mln adam turady.
