Kezdesý barysynda saıası, saýda-ekonomıkalyq, ınvestısııalyq jáne gýmanıtarlyq salalardaǵy ekijaqty yntymaqtastyqty odan ári nyǵaıtý perspektıvalary talqylandy, dep habarlaıdy Egemen.kz Prezıdenttiń baspasóz qyzmetine silteme jasap.
Memleket basshysy Ulybrıtanııa mınıstrine iltıpat bildire otyryp, eki el arasyndaǵy yntymaqtastyqty odan ári nyǵaıtý úshin onyń búgingi saparynyń máni zor jáne óńirlik aýqymdaǵy mańyzdy oqıǵa ekenine nazar aýdardy.
«Sizdiń saparyńyz Qazaqstan men Ulybrıtanııa arasyndaǵy ózara yntymaqtastyqty odan ári nyǵaıtýǵa tyń serpin beredi. Men Sizdiń jaqynda Syrtqy ister mınıstrliginde sóılegen sózińizdi tyńdadym. Onda Ulybrıtanııanyń syrtqy saıasattaǵy uzaq merzimdi ustanymy qamtyldy jáne shyn máninde, óte mańyzdy máseleler aıtyldy», dedi Memleket basshysy.
Qasym-Jomart Toqaev ekijaqty qatynastardyń qarqyndy damyp kele jatqanyn atap ótti.
«Bizdiń yntymaqtastyǵymyz, ásirese, ekonomıka jáne saıası salalarda óte tabysty dep baǵa bergim keledi. О́zara baılanystarymyzdyń oń baǵytyn odan ári ilgeriletý úshin qosymsha kúsh-jiger jumsaýymyz kerek», dedi Prezıdent.
Áńgimelesý barysynda Prezıdent Qasym-Jomart Toqaev Premer-mınıstr Rıshı Sýnaqqa sálemi men izgi tilegin joldady. Sondaı-aq Ulybrıtanııa Úkimetiniń basshysyn elimizge ózine yńǵaıly kez kelgen ýaqytta saparmen kelýge shaqyrdy. Bul sapar ekijaqty qatynastardy nyǵaıtýǵa baǵyttalǵan birqatar naqty máseleni talqylaýǵa jaqsy múmkindik beretinin atap ótti.
О́z kezeginde Djeıms Kleverlı Astana men London arasyndaǵy qarym-qatynastardyń qarqyndy damyp kele jatqanyn jetkizdi. Onyń aıtýynsha, Ulybrıtanııa Qazaqstanda júrgizilip jatqan saıası reformalardy oń baǵalaıdy.
«Sizdiń elińiz – aımaqtaǵy bizdiń negizgi saýda seriktesimiz. Ekonomıkalyq ósimge baǵyttalǵan jospardy júzege asyrý maqsatynda birlesip jumys isteý úshin jaqsy múmkindik bar ekenin kórip otyrmyz. Qazaqstanda júzege asyrylyp jatqan salyq salasyndaǵy reformalar baǵdarlamasy ózara tıimdi ekonomıkalyq qatynastardy nyǵaıtýǵa yqpal etedi dep oılaımyn», dedi Ulybrıtanııa mınıstri.
Sonymen qatar kezdesý barysynda Qasym-Jomart Toqaev pen Djeıms Kleverlı óńirlik jáne halyqaralyq kún tártibindegi ózekti máseleler jóninde pikir almasty.
Qazaqstannyń úsh óńirinde bes ońaltý ortalyǵy ashyldy
Medısına • Búgin, 20:30
Elordalyq saıabaqta búldirshinderge arnalǵan merekelik is-shara ótti
Elorda • Búgin, 20:00
«Ustazy jaqsynyń ustamy jaqsy»
Bilim • Búgin, 19:47
Memleket basshysy Rejep Taııp Erdoǵandy ulyqtaý rásimine qatysady
Prezıdent • Búgin, 19:13
Vladımır Kım men Edýard Ogaı «Elbasy qorynyń» aksııasyn satyp aldy
Qoǵam • Búgin, 18:50
Prezıdent «Kerýen-Medicus» klınıkasynyń jańa korpýsyn aralap kórdi
Prezıdent • Búgin, 18:36
Uqsas jańalyqtar
Onlaın 
