Halyqaralyq basylym túrki álemine qyzmet etedi

Túrki akademııa­­sy jaryqqa shyǵar­­ǵan «GLOBAL-turk» ha­­lyqaralyq jýr­­nalynyń tusaýy elordadaǵy Beı­bit­shilik jáne kelisim saraıynda kesildi. Bul basylym túrkitanýmen ǵana shektelmeıdi. Ol Eýrazııa keńistigindegi túrki áleminiń ózekti máselelerine qatysty tyń zertteý maqalalar men túrki ıntegrasııasy týraly tereń izdenisterdi de jarııalap turmaq. О́tken aıdyń basynda Túrkııa­nyń Bodrým qalasynda ótken Túrki Keńesiniń sammıtinde atalǵan aka­demııaǵa túrki álemi elderiniń ıntegrasııasy joldaryn aıqyndaý úshin baǵdarlama ázirleý tapsyrylǵan bolatyn. Sonymen qatar, Elbasy N.Nazarbaev múshe elderdiń ortaq aqparattyq keńistigin qalyptastyrý usynysyn da jasap edi. Jaryq kó­rip otyrǵan aqparattyq-taldama­lyq «GLOBAL-turk» jýrnaly osy min­­­det­­­terdi júzege asyrýdy kóz­dep otyr. Túrki akademııasynyń basshysy, tarıh ǵylymdarynyń doktory Darhan Qydyráliniń aıtýynsha, eki aıda bir ret jaryq kóretin bul halyqaralyq basylymǵa Túrki Keńesine múshe elderdiń tilderinde (qazaq, túrik, ázerbaıjan jáne qyrǵyz), sonymen qatar, aǵylshyn jáne orys tilderinde maqalalar qabyldanady. Jýrnaldyń alǵashqy sanynda Qazaqstan, Germanııa, Túrkııa, О́zbekstan, Ázerbaıjan elderi ǵalymdarynyń tarıh, túr­kitaný, ulttyq bolmys, Orta Azııa saıasaty, Eýrazııa jaıy, din, taǵy basqa máselelerge qatysty salmaqty dúnıeler jarııalanǵan. «Egemen-aqparat».