Baıqaýshylar:
1) saılaý komıssııasynyń otyrysyna qatysýǵa;
2) daýys berýge, sonyń ishinde úı-jaıdan tys jerde daýys berýge qatysqan saılaýshylardyń sany týraly aqparat alýǵa;
3) daýys berýdi ótkizý jáne daýystardy sanaý kezinde tıisti saılaý ýchaskesiniń daýys berýge arnalǵan úı-jaıynda bolýǵa;
4) tasymaldanatyn saılaý jáshigin baqylap júrýge, sonyń ishinde olardy tasymaldaý kezinde kólik quralynda bolýǵa;
5) saılaý ýchaskesinde, daýys berýge arnalǵan pýnktte daýys berý barysyn, daýystardy sanaý jáne daýys berý nátıjelerin resimdeý rásimin barlyq atalǵan rásimderdi anyq kórý múmkindigin qamtamasyz etetin jaǵdaılarda baıqaýǵa;
6) tıisti saılaý komıssııasynyń jáne (nemese) onyń músheleriniń sheshimderine, is-áreketterine (áreketsizdigine) joǵary turǵan saılaý komıssııasyna nemese sotqa shaǵymdanýǵa;
7) saılaýshylardyń daýys berýge arnalǵan úı-jaıǵa kelý múmkindigi bolmaǵan jaǵdaıda olardyń daýys berýge arnalǵan úı-jaıdan tys jerde daýys berýin ótkizý kezinde qatysýǵa;
8) ýchaskelik saılaý komıssııasy músheleriniń paıdalanylmaǵan saılaý bıýlletenderin sanaýy jáne joıýy kezinde qatysýǵa;
9) daýys berý barysyna jáne onyń qorytyndylaryn shyǵarýǵa kedergi jasamaı, fotojazba, dybysjazba jáne beınejazba jasaýǵa;
10) daýys berý nátıjeleri týraly hattamalardy joǵary turǵan saılaý komıssııalaryna berý rásimin baıqaýǵa;
11) daýys berý ótkizilgennen keıin daýys berý qorytyndylary týraly saılaý komıssııasynyń hattamalarymen tanysýǵa, olardyń kýálandyrylǵan kóshirmelerin alýǵa;
12) saılaý komıssııasy músheleriniń nazaryn osy Konstıtýsııalyq zań talaptarynyń buzylýyna aýdarýǵa, olarǵa buzýshylyqtar týraly tıisti jazbasha málimdemelerdi, aktilerdi tabys etýge jáne tabys etkeni týraly belgi soqtyrýǵa quqyly. Saılaý komıssııasynyń tóraǵasy, ony almastyratyn adam senim bildirilgen adamdardyń, baıqaýshylardyń ótinishteri boıynsha daýystardy sanaý hattamasyna olardyń jasaǵan aktilerin qosa berýge mindetti. («QR Saılaý týraly» KZ 20-1 b. 4 t)
Baıqaýshylar mindetti:
1) olardyń jeke basy men ókilettigin kýálandyratyn qujattaryn ózderimen alyp júrýge;
2) saılaý prosesine, saılaý komıssııasynyń daýystardy sanaý jáne sheshimderdi qabyldaý rásimine aralaspaýǵa;
3) saılaý komıssııasynyń jumysyna kedergi keltiretin is-áreketter jasamaýǵa;
4) saılaý ýchaskesinde saılaý komıssııasy tóraǵasynyń tıisti saılaý komıssııasy belgilegen tártip erejelerin saqtaý jónindegi talaptaryn oryndaýǵa;
5) óz eskertýlerin qujattalǵan, shynaıy jáne tekserýge bolatyn faktilermen negizdeýge;
6) Qazaqstan Respýblıkasynyń osy Konstıtýsııalyq zańynyń jáne ózge de zańnamasynyń talaptaryn saqtaýǵa;
7) alalamaýǵa, naqty kandıdatqa, saıası partııaǵa artyqshylyq bermeýge mindetti.
QR saılaý týraly zańnamasy buzylǵan jaǵdaıda baıqaýshy men ózge de adamdar saılaý komıssııasynyń jazbasha nysanda qabyldanǵan dáleldi sheshimi boıynsha daýys berýge arnalǵan úı-jaıdan shyǵarylady. («QR Saılaý týraly» KZ 39 b. 2 t.)
Baıqaýshylar QR zańnamasyn buzǵan jaǵdaıda, tıisti saılaý komıssııasy baıqaýshyny tirkeýdiń kúshin joıýǵa quqyly. («QR Saılaý týraly» KZ 20-1 b. 4 t.)
