Shetelde 5 myńǵa jýyq otandasymyz daýys berdi

Kezekten tys Parlament depýtattaryn saılaý aıaqtalýǵa jaqyn. Qazaqstan álemdik qaýymdastyqtyń jaýapty múshesi retinde saılaýdy halyqaralyq standarttarǵa sáıkes ótkizýge múddeli bola otyryp, oǵan qatysýǵa halyqaralyq baıqaýshylardy shaqyrdy. 12 halyqaralyq uıym men 41 shet memleketten akkredıttelgen sheteldik baıqaýshylardyń jalpy sany 793 adamdy qurady. Sonymen qatar saılaýdy baqylaýǵa 246 sheteldik jýrnalıst qatysyp jatyr. Astana men Almaty qalalarynda «Halyqaralyq baıqaýshylar men sheteldik BAQ ókilderine járdemdesý ortalyqtary» ashyldy. Atalǵan ortalyqtar barlyq qajetti tehnıkalyq jabdyqtarmen qamtamasyz etilgen jáne tańerteńnen bastap baıqaýshylar brıfıngter men konferensııalar formatynda óz pikirlerin bildirip jatyr», dedi mınıstr orynbasary Ortalyq saılaý komıssııasynda ótken brıfıngte.

Sonymen qatar ol shetelde júrgen Qazaqstan azamattarynyń konstıtýsııalyq quqyqtaryn qamtamasyz etý úshin 62 shet memlekettegi dıplomatııalyq ókildikteri janynan 77 saılaý ýchaskesiniń ashylǵanyn atap ótti. Olarda 12 016 adam daýys berýi tıis.

«Búgin saǵat 18:00-degi jaǵdaı boıynsha sheteldegi 11 saılaý ýchaskesi jumysyn aıaqtady jáne qazir de jumys istep jatqan ýchaskelerde shamamen 5 myń Qazaqstan azamaty daýys berdi. Bul 42 paıyzdy quraıdy. 66 ýchaske jumysyn jalǵastyryp jatyr. Jalpy, sheteldegi daýys berý 20 naýryz kúni tańerteńgi saǵat 09:00-de San-Fransıskodaǵy saılaý ýchaskesinde aıaqtalady»,  dedi Roman Vasılenko.